Last updated on July 3rd, 2025 at 08:39 am
ತೊರ್ತಲ್, ಜು. 03: ರಡ್ಡ್ ಪ್ರೈವೇಟ್ ಬಸ್ಲ್ ಎದುರೆದುರು ಎಡ್ತೊಂದಿನ ನಡಕೆ ತೊರ್ತಲ್ ಮಧ್ಯ ಶಾಲೆದ ಕೈತಲ್ ನಡತ್ದ್ಂಡ್. ಎಡ್ತೆಡ್ ಹೈಸ್ಕೂಲ್, ಪಿಯುಸಿ ವಿದ್ಯಾರ್ಥಿಲು, ಟೀಚರ್ನಕುಲು ಸೇರ್ದ್ 25 ಜನಕ್ ಗಡಿಕುಲಾತ.
ಕಾಂಡೆ 9 ಗಂಟೆದ ಅಂದಾಜಿಗ್ ಈ ನಡಕೆ ನಡತಿತ್ತ್ದ್ ರಡ್ಡ್ ಬಸ್ಡ್ ಶಾಲೆದ ಜೋಕುಲು ಸೇರ್ದ್ ಪಾಕ ಪ್ರಯಾಣಿಕೆರ್ ಇತ್ತೆರ್. ಎಡ್ತೆದ ದೃಶ್ಯ ಒಂಜಿ ಬಸ್ಸ್ದ ಡ್ಯಾಶ್ ಬೋರ್ಡ್ ಕ್ಯಾಮರಾಡ್ ಕೈದಾದಿತ್ತ್ದ್ ಸ್ಟೇಟ್ಬ್ಯಾಂಕ್ರ್ದ್ ಚೇಲಾರ್ಗ್ ಪೋವೊಂದಿತ್ತಿನ ನಂದನ್ ಪುದರ್ದ ಬಸ್ ಸೀದಾ ಬತ್ತ್ದ್ ಎಡ್ಪುನೆನ್ ತೂವೊಲಿ. ರಡ್ಡ್ ಬಸ್ಸ್ದ ಎದುರು ಮೆಯಿ ಞಕ್ಕೆ ಆತ್ಂಡ್. ದೇಬೆರೆ ದಯೆಟ್ ರಡ್ಡ್ ಬಸ್ಸ್ದ ಡ್ರೈವರ್ನಕುಲ್ಲಾ ಮಲ್ಲ ಪಡಾಯಿದಾಂತೆ ಬಚಾವಾತೆರ್.
ಎಡ್ತೆಗ್ ಒಂಜಿ ಬಸ್ಸ್ದ ಸ್ಟೇರಿಂಗ್ ಜಾಮ್ ಆತಿನನೇ ನೆವನ ಪನ್ದ್ ಪನೊಂದುಲ್ಲೆರ್. ಎಡ್ತೆಡ್ ರಡ್ಡ್ ಬಸ್ಸ್ಡಿತ್ತಿನ ವಿಧ್ಯಾರ್ಥಿಲು, ಶಿಕ್ಷಕೆರ್ ಬೊಕ್ಕ ಬೇತೆ ಪ್ರಯಾಣಿಕೆರ್ ಸೇರ್ದ್ 21 ಜನೊಕು ಕಿಞ್ಞ ಕಿಞ್ಞ ಗಡಿಕುಲಾತ. 4 ಜನೊಕು ಗಾತಿದ ಗಡಿಕುಲಾತ ಪನ್ದ್ ಪೊಲೀಸೆರ್ ಒಲವು ಕೊರ್ತೆರ್. ನಡಕೆದ ಬಗೆಟ್ ಬಡಕಾಯಿ ಕುಡ್ಲ ಟ್ರಾಫಿಕ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.