ಪೊಸ ಎಸ್ಪಿ, ಕಮಿಷನರ್ ಬತ್ತಿ ಬೊಕ್ಕ ಪೊರ್ಮ್ಬಾಟ ಮಲ್ಪುನಕ್ಲೆನ ದಮ್ಮ ಉಂತುದು ಪೋತುಂಡು, ಮಾತ ಬೀಲ ಅಡಿಕ್ ಪಾಡ್ದ್ ಕುಲ್ಲುದೆರ್ – ಶಾಸಕೆ ಅಶೋಕ ರೈಕುಲು

Last updated on July 7th, 2025 at 12:57 pm

ಪುತ್ತೂರು ಜುಲೈ 07: ಜಿಲ್ಲೆಗ್ ಪೊಸ ಎಸ್ಪಿ ಕಮೀಷನರ್ ಬತ್ತಿ ಬೊಕ್ಕ ಪೊರ್ಮ್ಬಾಟ ಮಲ್ಪುನಕ್ಲೆನ ದಮ್ಮ ಉಂತುದು ಪೋತುಂಡು. ಇತ್ತೆ ಮಾತೆರ್ಲಾ ಬೀಲ ಅಡಿಕ್ ಪಾಡ್ದ್ ಕುಲ್ಲುದೆರ್ ಪನ್ದ್ ಶಾಸಕೆ ಅಶೋಕ ರೈಕುಲು ಪನ್ಡೆರ್.

ಕಾರ್ಯಕ್ರಮ ಒಂಜೆಟ್ ಶಾಸಕೆರ್ ಪಾತೆರ್ದಿನ ವಿಡಿಯೋ ಇತ್ತೆ ವೈರಲ್ ಆತ್ಂಡ್. ಜಿಲ್ಲೆಗ್ ಪೊಸ ಎಸ್ಪಿ, ಕಮಿಷನರ್ ಬತ್ತಿ ಬೊಕ್ಕ ಮಾತೆರ್ಲಾ ಬೀಲ ಅಡಿಕ್ ಪಾಡ್ದ್ ಕುಲ್ಲುದೆರ್. ಇಲ್ಲ್ ಇಲ್ಲಗ್ ಪೋದು ಚಡ್ಡಿಡ್ ಉಂತಾದ್ ಪೋಲೀಸೆರ್ ಪೋಟೋ ಕಲೆದಿತ್ತೆರ್. ನನ ಚಡ್ಡಿಡ್ ಉಂತಾದ್ ಸ್ಲೇಟ್ ಕೊರ್ಯೆರೆ ಬಾಕಿ ಉಂಡು. ಐತ ಬಗೆಟ್ ಹೋರಾಟ ಮಲ್ಪುನಕ್ಲೆನ ಪತ್ತೆ ಇಜ್ಜಿ.

ವಾಟ್ಸಾಪ್‌ಡ್ ಉದ್ದುದ್ದ ಬರೆಪುನಕುಲು, ನೆರ್ಪುನಕುಲು, ಮೈಕ್ ತಿಕ್ಕ್ಂಡ ಉದ್ದುದ್ದ ಪಾತೆರುನಕುಲು ಓಲ್ಲೆರ್? ಇತ್ತೆ ಅಕ್ಲೆನ ಸುದ್ದಿಯೇ ಇಜ್ಜಿ ಪನ್ದ್ ಶಾಸಕೆ ಅಶೋಕ್ ಕುಮಾರ್ ರೈ ವಾಗ್ದಾಳಿ ಮಲ್ದೆರ್.

ಜಿಲ್ಲೆದ ಜನೊಕ್ಲೆಗ್ ಅಭಿವೃದ್ಧಿ ಬೋಡು, ಮುಲ್ಪದ ಜನ ಮಾತೆರೆರ್ದ್ ಎಚ್ಚ ಟ್ಯಾಕ್ಸ್ ಕಟ್ಟ್‌ಬೆರ್. ಮೆಡಿಕಲ್ ಕಾಲೇಜ್, ಪ್ರವಾಸೋದ್ಯಮಗ್ ಮುಲ್ಪ ಒತ್ತು ಕೊರೊಡು. ಬಿಜೆಪಿ ಇದಮುಟ್ಗೆಟ ಜನೊಕ್ಲೆನ್ ಮಂಗೆ ಮಲ್ತಿನ ಯಾರು ಪನ್ದ್ ಅಶೋಕ್ ಕುಮಾರ್ ರೈ ಪನ್ತೆರ್.