Last updated on July 10th, 2025 at 04:27 pm
ಬಿ.ಸಿ.ರೋಡ್, ಜು. 10: ಪೇಂಟೆದ ನವರತನ್ ಇಲೆಕ್ಟಿಕಲ್ ಅಂಗಡಿಡ್ ಮ್ಯಾನೇಜರ್ ಆದ್ ಬೇಲೆ ಮಲ್ತೊಂದಿತ್ತಿನ ಜವನೆ ಒರಿ ಹಾರ್ಟ್ ಅಟ್ಯಾಕ್ ಆದ್ ತೀರ್ದಿನ ನಡಕೆ ನಡತ್ದ್ಂಡ್.
ತೀರ್ದಿನ ಜವನನ್ ರಾಜಸ್ಥಾನ ಮೂಲೊದ ನಟವರ್ ಸಿಂಗ್ (27) ಪನ್ದ್ ಗುರ್ತ ಪತ್ತ್ದೆರ್.
ಆಯಗ್ ಆಜಿ ತಿಂಗೊಲುಗು ದುಂಬೊಲ ತಿಗಲೆ ಬೇನೆ ತೋಜಿದ್ ಬತ್ತಿನೆರ್ದಾವರ, ಬೆಂಗಳೂರ್ಡ್ ಮರ್ದ್ ಮಲ್ತಿತ್ತೆ ಪನ್ದ್ ತೆರಿದ್ ಬೈದ್ಂಡ್.
ಆಯಗ್ ಕೋಡೆ, ಜುಲೈ 9 ಬುಧವಾರದಾನಿ ರಾತ್ರೆ ಸುಮಾರ್ 7 ಗಂಟೆದ ಅಂದಾಜಿಗ್ ತರೆ ತಿರ್ಗಿಲೆಕ ಆತ್ಂಡ್, ಅಪಗನೇ ಇಲ್ಲದಕುಲು ಆಯನ್ ಮುಟ್ಟದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆಯೆ ಆಸ್ಪತ್ರೆದ ಮೊಟ್ಟು ಬರ್ತ್ನಗ ಕುಸ್ಕ್ದ್ ಬೂರ್ದು ತೀರ್ದೆ ಪನ್ದ್ ತೆರಿದ್ ಬೈದ್ಂಡ್.
ಜವನೆ ಮೂಲತಃ ರಾಜಸ್ಥಾನದಾಯೆ ಆದುಪ್ಪುನೆರ್ದಾವರ ಪುನೊನು ವಿಮಾನೊಡು ಅಡೆಗೆ ಪತೊಂದು ಪೋತೆರ್ ಪನ್ಪಿ ಒಲವು ತಿಕ್ಕ್ದ್ಂಡ್.