Last updated on July 14th, 2025 at 06:24 am
ಪುತ್ತೂರು, ಜು. 14: ಶಾಸಕೆ ಅಶೋಕ್ ರೈಕ್ಲೆನ ಪಾಕ ದಿನೊತ ಕನ ಪುತ್ತೂರು- ಕುಡ್ಲ ನಾನ್ ಸ್ಟಾಪ್ ಎಕ್ಸ್ ಪ್ರೆಸ್ ಸಂಚಾರ ಇನಿರ್ದ್ ಸುರು ಆವೊಂದುಂಡು.
ಪುತ್ತೂರು ಕೆ.ಎಸ್.ಆರ್.ಟಿ.ಸಿ ಬಸ್ ಉಂತಡೆರ್ದ್ ಪಿದಡುನ ಬಸ್ ಒಲ್ಪಲಾ ಉಂತಂದೆ ಸೀದಾ ಸ್ಟೇಟ್ ಬ್ಯಾಂಕ್ ಬಸ್ ಉಂತಡೆಡೇ ಉಂತುಡು. ಗಂಟೆಗೊಂಜಿ ಇಂಚಿನ ಬಸ್ ಪಿದಡುಂಡು. ಪೊಂಜೊವುಲೆಗ್ ಈ ಬಸ್ಡ್ ಶಕ್ತಿ ಯೋಜನೆದ ಪ್ರಕಾರ ದರ್ಮೊಗು ಪೋವೊಲಿ. ಇನಿ ಕಾಂಡೆ 11.00 ಗಂಟೆಗ್ ಪೊಸ ಬಸ್ ವ್ಯವಸ್ಥೆಗ್ ಶಾಸಕೆರ್ ಚಾಲನೆ ಕೊರ್ಯೆರ ಉಲ್ಲೆರ್.
ಸುಮಾರ್ ಒಂಜಿ ಗಂಟೆದಾತ್ ಪೊರ್ತುಡು ಬಸ್ ಪುತ್ತೂರ್ರ್ದ್ ಕುಡ್ಲಗ್ ಎತ್ತುಂಡು. ಸ್ವಂತ ಗಾಡಿಲು ಇತ್ತಿನಕುಲ್ಲಾ ಈ ಬಸ್ಡ್ ಪೋವೊಲಿ. ದಾಯೆ ಪನ್ಡ ಈ ಬಸ್ಸ್ ಬಾರೀ ಬೀಸ ಪೋಪುನೆರ್ದಾವರ ಸ್ವಂತ ಗಾಡಿದಾತೇ ಪೊರ್ತುಡು ಕುಡ್ಲ ಎತ್ತುಂಡು. ಪೊಸ ವ್ಯವಸ್ಥೆನ್ ಮಾತೆರ್ಲಾ ಗಲಸುನ ಮುಕೇನ ಸಹಕಾರ ಕೊರ್ಲೆ, ಸರಕಾರಿ ವ್ಯವಸ್ಥೆಗ್ ಬೆರಿತಾಂಗ್ ಕೊರ್ಲೆ ಪನ್ದ್ ಶಾಸಕೆ ಅಶೋಕ್ ರೈಕುಲು ಪನ್ತೆರ್.