Last updated on July 21st, 2025 at 02:49 pm
ಸುಳ್ಯ, ಜು. 21: ಸುಳ್ಯದ ಗ್ರಾಮೀಣ ಭಾಗೊಡು ಪುಟ್ಟುದ್ ಬಲತಿನ ಪೊಣ್ಣು ಮಗಲೊರ್ತಿ ಇನಿ ತನ್ನ ಗೊಬ್ಬುದ ಚಾತುರ್ಪುಡು ರಾಷ್ಟ್ರೀಯ ಮಟ್ಟೊದ ಥ್ರೋಬಾಲ್ ಪಂತೊಡು ಪಾಲ್ಪಡೆಯೆರ ಪಿದಡ್ದಲ್.
48ನೇ ಸೀನಿಯರ್ ನ್ಯಾಷನಲ್ ಮೆನ್ಸ್ ಆಂಡ್ ವುವೆನ್ಸ್ ಥ್ರೋಬಾಲ್ ಚಾಂಪಿಯನ್ಶಿಪ್, ಉಂದುವೇ ಬರ್ಪಿನ 2025ನೇ ಆಗಸ್ಟ್ 16 ರ್ದ್ 18 ಮುಟ್ಟ ಜಾರ್ಖಂಡ್ದ ರಾಂಚಿಡ್ ನಡಪರೆಗುಂಡು.
ಈ ಥ್ರೋಬಾಲ್ ಚಾಂಪಿಯನ್ಶಿಪ್ಡ್ ಸುಳ್ಯ ತಾಲೂಕ್ದ ಬೆಳ್ಳಾರೆದ ಕಳಂಜ ಗ್ರಾಮೊದ ಭವಿತಾ ಬೇರಿಕೆ ಮೇರ್ ಕರ್ನಾಟಕ ಕೂಟೊನು ಪ್ರತಿನಿಧಿಪೆರ ಉಲ್ಲೆರ್. ಮೇರ್ ಲಕ್ಷ್ಮಣ ಗೌಡ ಬೇರಿಕೆ ಬೊಕ್ಕ ದಮಯಂತಿ ಬೇರಿಕೆ ಮೊಕಲೆನ ಮಗಲ್, ರಂಜಿತ್ ಬೇರಿಕೆ ಮೆರೆನ ಸಂಗಡಿ.
ತನ್ನ ಪುರ್ಸೊತುದ ಪೊರ್ತುಡು ಭವಿತಾ ಆನ್ಲೈನ್ಡ್ ತುಳು ಲಿಪಿ ಕಲ್ಪಾವೆದೆರ್.
