Last updated on July 28th, 2025 at 02:50 pm
ಬೊಲ್ತೇರ್, ಜು. 28: ಕುಡುಮ ಗ್ರಾಮೊಡು ಪಾಕ ಪುನೊಕ್ಲೆನ್ ಕೌಂತ್ದೆ ಪನ್ದ್ ಪನ್ತಿನ ಆಂಜೊವುನ ಪ್ರಕರಣೊದ ಜಡ್ತೆ ಮಲ್ತೊಂದುಪ್ಪುನ ಎಸ್ಐಟಿ ಕೂಟ ಇನಿ ಕುಡುಮಡ್ ಆಯೆ ಪನ್ತಿನ ಜಾಗೆಲೆನ ಮಹಜರ್ ಸುರು ಮಲ್ದೆರ್.
ಎಸ್.ಐ.ಟಿ ತನಿಖಾಧಿಕಾರಿ ಜಿತೇಂದ್ರ ಕುಮಾರ್ ದಯಾಮ, ಅನುಚೇತ್, ಬೊಕ್ಕ ಎಸ್ಪಿ ಸಿ.ಎ.ಸೈಮನ್ ಬೊಲ್ತೇರ್ ಎಸ್.ಐ.ಟಿ. ಕಚೇರಿಗ್ ಕಾಂಡೆ ಕಾಂಡೆನೇ ಬತ್ತ್ದೆರ್. ಒಯಿಲ್ ಕೊರ್ತಿನ ಆಂಜೊವು ಕಾಂಡೆ 11 ಗಂಟೆಗ್ ಕಚೇರಿಗ್ ಬತ್ತ್ದೆರ್.
ಒಂತೆ ಪೊರ್ತು ಪಾತೆರಕತೆ ಮಲ್ತಿಬೊಕ್ಕ ದಾಕಲೆ ಗೆತೊಂದು ದೂರುದಾರನ ಸೈನ್ ಪಾಡ್ಪಾದ್ ಬೊಕ್ಕ ಟೈಟ್ ಸೆಕ್ಯೂರಿಟಿಡ್ ಧರ್ಮಸ್ಥಳ ನೇತ್ರಾವತಿ ಸ್ನಾನಘಟ್ಟೊದ ಕೈತಡೆ ಬತ್ತ್ದೆರ್. ಅರಣ್ಯ ಇಲಾಖೆಗ್ ಸೇರ್ದಿನ ಜಾಗೆಡ್ ಮಂಡೆ ಒಕ್ಕುದಿನ ಒಲವು ಇತ್ತ್ದ್, ಅವ್ವೇ ಜಾಗೆಡ್ ಮಹಜರ್ ಮಲ್ತೆರ್.
ಕರಿನ ರಡ್ಡ್ ದಿನೊರ್ದಿಂಚಿ ಎಸ್ಐಟಿ ಒಯಿಲ್ ಬರೆಪಾದಿನ ಆಂಜೊವುನ ವಿಚಾರಣೆ ಮಲ್ತಿತ್ತ್ದ್, ಸುಮಾರ್ 14 ಗಂಟೆದಾತ್ ಪೊರ್ತು ವಿಚಾರಣೆ ಮಲ್ತ್ದ್ ಪಾಕ ಮಹತ್ವೊದ ಒಲವುಲೆನ್ ಗೆತೊಂದೆರ್. ಇನಿರ್ದ್ ಬೊಲ್ತೇರ್ಡ್ ಇಪ್ಪುನ ಎಸ್ಐಟಿ ಕಚೇರಿರ್ದ್ ಕಾರ್ಯಾಚರಣೆ ಮಲ್ತಿತ್ತ್ದ್, ಆಂಜೊವುನ ಪಾತೆರೊದ ಆಧಾರಡ್ ಪ್ರಣವ್ ಮೊಹಂತಿ ಕೂಟ ಜಡ್ತೆ ಮಲ್ತೊಂದುಲ್ಲೆರ್.