ಬಂಟ್ವಾಳ: ಜವನೆ ತೋಜಂದೆ ಆಯಿನ ಬೆರಿಟೇ ಡ್ಯಾಂ ದ ಕೈತಲ್ ತಿಕ್ಕ್ಂಡ್ ಆಯನ ಸ್ಕೂಟರ್

Last updated on July 30th, 2025 at 11:51 am

ವಿಟ್ಲ, ಜು 30 : ಬೇಲೆಗ್ ಪೋಪೆ ಪನ್ದ್ ಪೋದು ಬೊಕ್ಕ ತೋಜಂದೆ ಆದಿತ್ತಿನ ಜವನನ ಸ್ಕೂಟರ್ ಬೊಕ್ಕ ಆಯನ ಮೊಬೈಲ್ ಫೋನ್ ಬಂಟ್ವಾಳ ನಗರ ಸ್ಟೇಶನ್ ಸೀಮೆದ ಬಡ್ಡಕಟ್ಟೆ ಕೈತಲ್ಧ ಜಕ್ರಿಬೊಟ್ಟು ಡ್ಯಾಂದ ಕೈತಲ್ ತಿಕ್ಕ್‌ದ್ಂಡ್.

ಸ್ಕೂಟರ್‌ದ ಬಗೆಟ್ ಒಲವು ಒಟ್ಟು ಮಲ್ಪುನಗ ಕಡೇಸ್ವಾಲ್ಯದ ಹೇಮಂತ್ ಪನ್ಪಿನಾರೆಗ್ ಸೇರ್ದಿನ ಗಾಡಿ ಪನ್ದ್ ತೆರಿದ್ ಬೈದ್ಂಡ್. ಹೇಮಂತ್ ಬ್ಯಾಚುಲರ್ ಆದಿತ್ತ್‌ದ್, ಜುಲೈ 28 ದಾನಿ ಹೇಮಂತ್ ನಾಪತ್ತೆ ಆತಿನ ಬಗೆಟ್ ಬಂಟ್ವಾಳ ಗ್ರಾಮಾಂತರ ಸ್ಟೇಷನ್‌ಡ್ ಒಯಿಲ್ ಬರೆಪಾದ್ಂಡ್.

ಸ್ಕೂಟರ್‌ ಉಂತಾದ್ ನಾಪತ್ತೆ ಆದುಪ್ಪುನ ಸಾಧ್ಯತೆ ಇತ್ತಿನೆರ್ದಾವರ ಬಂಟ್ವಾಳ ಗ್ರಾಮಾಂತರ ಬೊಕ್ಕ ನಗರ ಪೊಲೀಸೆರೆ ಕೂಟ ಹೇಮಂತ್ ನ್ ನಾಡ್ಯೆರ ಪತ್ತ್‌ದೆರ್, ಅಗ್ನಿ ಶಾಮಕ ದಳೊದ ಸಿಬ್ಬಂದಿಲು ನೇತ್ರಾವತಿ ಸುದೆಟ್ ನಾಡೊಂದುಲ್ಲೆರ್.