Last updated on August 2nd, 2025 at 04:29 pm
ಬೆಂಗಳೂರು, ಆ. 02 : ಇಲ್ಲಡ್ ಬೇಲೆ ಮಲ್ಪುನ ಪೊಂಜೊವುನ ಮಿತ್ತ್ ಅತ್ಯಾಚಾರ ಮಲ್ತ್ದ್, ಬೊಕ್ಕ ಆಲೇನ್ ಕಿಡ್ನಾಪ್ ಮಲ್ತಿನ ಪ್ರಕರಣೊಡು ಜೆಡಿಎಸ್ ಮಾಜಿ ಸಂಸದೆ ಪ್ರಜ್ವಲ್ ರೇವಣ್ಣೆ ದೋಷಿ ಪನ್ದ್ ಸಾಬೀತ್ ಆದಿತ್ತ್ದ್, ಇನಿ ಬೆಂಗಳೂರುದ ಜನಪ್ರತಿನಿಧಿಲೆನ ವಿಶೇಷ ನ್ಯಾಯಂತಡೆ ಶಿಕ್ಷೆ ಪ್ರಕಟ ಮಲ್ದ್ಂಡ್.
ಪ್ರಜ್ವಲ್ ರೇವಣ್ಣಗ್ ಜೀವನ ಪರ್ಯಂತ ಕರ್ಪಿಲ್ಲ ಶಿಕ್ಷೆ ಬೊಕ್ಕ 10 ಲಕ್ಷ ರೂ. ದಂಡ ಪಾಡ್ದ್ ಜನಪ್ರತಿನಿಧಿಲೆನ ವಿಶೇಷ ಕೋರ್ಟ್ದ ಜಡ್ಜ್ ಸಂತೋಷ್ ಗಜಾನನ ಭಟ್ ತೀರ್ಪು ಕೊರ್ತೆರ್. ಐಪಿಸಿ ಸೆಕ್ಷನ್ 376(2)(ಕೆ) (ಪ್ರಬಲ ಸ್ಥಾನೊಡುಪ್ಪುನಾಯರ್ದ್ ಅತ್ಯಾಚಾರ) ಆರೋಪಗ್ ಜೀವಾವಧಿ ಶಿಕ್ಷೆ, ಐನ್ ಲಕ್ಷ ದಂಡ, ಐಪಿಸಿ ಸೆಕ್ಷನ್ 376(2)(ಎನ್) (ಬೆರಿಬೆರಿ ಅತ್ಯಾಚಾರ) ದ ಅಡಿಟ್ ಅಪರಾಧೊಗು ಜೂವನ ಪರ್ಯಂತ ಶಿಕ್ಷೆ, ಐನ್ ಲಕ್ಷ ದಂಡ ಪಾಡ್ದೆರ್. ಸಂತ್ರಸ್ತೆದಿಗ್ ಏಳ್ ಲಕ್ಷ ಪಿರಿಕಟ್ಟ್ ಕೊರೊಡು ಪನ್ದ್ ನ್ಯಾಯಂತಡೆ ಆದೇಶ ಮಲ್ದ್ಂಡ್.
ಕಾಲಿ 4 ತಿಂಗೊಲ್ದ ದಾಖಲೆ ಪೊರ್ತುಡು ಜಡ್ಜ್ ಸಂತೋಷ್ ಗಜಾನನ ಭಟ್ ತೀರ್ಪು ಪ್ರಕಟ ಮಲ್ದೆರ್. ಉಂದೆತ ಒಟ್ಟುಗು, ಮೂಜಿ ಅತ್ಯಾಚಾರ ಪ್ರಕರಣ, 1 ಲೈಂಗಿಕ ದೌರ್ಜನ್ಯ ಇಂಚ ಒಟ್ಟು 4 ಪ್ರಕರಣೊಲೆಡ್ ಒಂಜೆಟ್ ತೀರ್ಪು ತಿಕ್ಕಿಲೆಕ ಆತ್ಂಡ್.