Last updated on August 4th, 2025 at 05:26 pm
ಬೊಲ್ತೇರ್, ಆ. 04: ಧರ್ಮಸ್ಥಳ ಪ್ರಕರಣೊಗು ಸಂಬಂಧಿತ್ದ್ ಇತ್ತೆ ಎಸ್ಐಟಿ ಜಡ್ತೆ ನಡತೊಂದುಪ್ಪುನಗ, ಕುಡೊರಿ ದೂರುದಾರೆ, ಸಾಮಾಜಿಕ ಕಾರ್ಯಕರ್ತೆ ಜಯನ್ ಟಿ, ‘ಯಾನ್ ಒಂಜಿ ಪೊಣ್ಣು ಬಾಲೆದ ಪುನ ಕೌಂಪುನೆನ್ ತೂತೆ’ ಪನ್ದ್ ಪನ್ತಿನೆಕ್, ಧರ್ಮಸ್ಥಳ ಸರ್ಕಲ್ ಇನ್ಸ್ಪೆಕ್ಟರ್ನ ಕಛೇರಿಡ್ ಒಯಿಲ್ ಬರೆಪಾಲೆ ಪನ್ದ್ ಎಸ್.ಐ.ಟಿ ಸೂಚನೆ ಕೊರ್ತುಂಡು.
ಸಾಮಾಜಿಕ ಕಾರ್ಯಕರ್ತೆ ಜಯನ್ ಟಿ 15 ವರ್ಸೊಗು ದುಂಬು ಪೊಣ್ಣನೊರ್ತಿನ ಪುನೊನು ನಾಲೈನ್ ಜನ ಸೇರ್ದ್ ಕೌಂತ್ದಿತ್ತೆರ್, ಆ ಪೊರ್ತುಡು ಯಾನ್ಲಾ ಸೇರ್ದ್ ಬೇತೆ ಒಂತೆ ಜನ ತೂತ. ಆ ಪೊರ್ತುಡು ಜಾಗೆಡ್ ಪೋಲೀಸೆರ್ಲಾ ಇತ್ತೆರ್ ಪನ್ದ್ ಸ್ಪೋಟಕ ಪಾತೆರ ಪನ್ತೆರ್.
ಆತೇ ಅತ್ತಂದೆ ಈ ಬಗೆಟ್ ಯಾನ್ ಎಸ್ಐಟಿಗ್ ಒಲವು ಕೊರ್ಪೆ ಪನ್ದ್ ಪನ್ದಿತ್ತೆರ್. ಇತ್ತೆ ಎಸ್ಐಟಿ ಜಯನ್ ಟಿ ಗ್ ಧರ್ಮಸ್ಥಳ ಸರ್ಕಲ್ ಇನ್ಸ್ಪೆಕ್ಟರ್ನ ಕಛೇರಿಡ್ ಒಯಿಲ್ ಬರೆಪಾಯೆರೆ ಪನ್ತ್ಂಡ್. ಕಾನೂನು ಪ್ರಕ್ರಿಯೆದ ಪ್ರಕಾರೊನೇ ನಡತೊನರೆ ದೂರುದಾರಗ್ ಎಸ್ಐ.ಟಿ ಸೂಚನೆ ಕೊರ್ತುಂಡು. ಎಸ್.ಐ.ಟಿ ಸೂಚನೆದ ಪ್ರಕಾರ ಧರ್ಮಸ್ಥಳ ಪೋಲೀಸ್ ಸ್ಟೇಷನ್ಡ್ ಜಯನ್ ಒಯಿಲ್ ಬರೆಪಾದೆರ್.