Last updated on August 8th, 2025 at 03:29 pm
ಇಟ್ಟೆಲ್, ಆ. 08: ಬೈಕ್ದ ಟಯರ್ ಪಂಚರ್ ಆದಿತ್ತಿನೆರ್ದಾವರ ಸಾದಿ ಬರಿಟ್ ಉಂತುದಿತ್ತಿನಾರೆಗ್ ಒಂಜಿ ಕಾರ್ ಬರಸ್ಡ್ ಬತ್ತ್ದ್ ಎಡ್ತಿನ ನಡಕೆ ಇನಿ, ಶುಕ್ರವಾರ ಕಾಂಡೆ ವಿಟ್ಲ ಪೊಲೀಸ್ ಸ್ಟೇಶನ್ ಸೀಮೆದ ಪರ್ತಿಪ್ಪಾಡಿ ಪನ್ಪಿನಲ್ಪ ನಡತ್ದ್ಂಡ್.
ಪೆಟ್ಟಾತಿನಾರೆನ್ ಕುಡ್ತಮೊಗೇರ್ದ ಪ್ರಗತಿ ಸ್ವೀಟ್ಸ್ ಬೇಕರಿದ ದನಿ ಜಗನ್ನಾಥ ಶೆಟ್ಟಿಗಾರ್ ಪನ್ದ್ ಗುರ್ತ ಪತ್ತ್ದೆರ್. ಜಗನ್ನಾಥೆರ್ ಇನಿ ಕಾಂಡೆ ಕುಡ್ತಮೊಗೇರ್ರ್ದ್ ಪರ್ತಿಪ್ಪಾಡಿದಂಚಿ ಪೋವೊಂದುಪ್ಪುನಗ ಸಾದಿನಡುಟು ಆರೆನ ಬೈಕ್ದ ಟಯರ್ ಪಂಕ್ಚರ್ ಆದಿತ್ತ್ಂಡ್.
ಅಂಚಾದ್ ಆರ್ ತನ್ನ ಗಾಡಿನ್ ಬರಿಟ್ ಉಂತಾದ್, ಉಂತುದಿತ್ತೆರ್. ಈ ಪೊರ್ತುಡು ಇಟ್ಟೆಲ್ದಂಚಿರ್ದ್ ಸಾಲೆತ್ತೂರ್ದಂಚಿ ಪೋವೊಂದಿತ್ತಿನ ಒಂಜಿ ಕಾರ್ ಆರೆಗ್ ಎಡ್ತ್ದ್ಂಡ್. ಎಡ್ತೆರ್ದಾವರ ಗಾತಿದ ಗಡಿಕುಲಾತಿನ ಜಗನ್ನಾಥೆರೆನ್ ಅಪಗನೇ ಅಲ್ಪದಕುಲು ದೇರಳಕಟ್ಟೆ ಆಸ್ಪತ್ರೆಗ್ ದಾಕಲ್ತ್ದೆರ್. ಆರ್ ಇತ್ತೆ ಸೀರಿಯಸ್ ಸ್ಥಿತಿಟ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್ . ಜಾಗೆಗ್ ಇಟ್ಟೆಲ್ ಸ್ಟೇಷನ್ ಪೊಲೀಸೆರ್ ಬತ್ತ್ದ್ ಒಲವು ಒಟ್ಟು ಮಲ್ದೆರ್.