Last updated on August 10th, 2025 at 09:38 am
ಬೊಲ್ತೇರ್, ಆ. 09: ಸಾಮಾಜಿಕ ಬಲೆತ್ತಾನೊಡು ಧರ್ಮೊಲೆನ ನಡುಟು ಅಂಚೆನೇ ಸಮುದಾಯೊಲೆನ ನಡುಟು ಪಗೆ ಬಿತ್ತುನಂಚಿನ ಪೋಸ್ಟ್ ಪಾಡ್ದಿನ ಆರೋಪಡ್ ವಸಂತ ಗಿಳಿಯಾರ್ನ ಮಿತ್ತ್ ಬೊಲ್ತೇರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಬೊಲ್ತೇರ್ ನಿವಾಸಿ ಶೇಖರ ಲಾಯಿಲ ಪನ್ಪಿನಾರ್ ಮೊಬೈಲ್ಡ್ ಫೇಸ್ ಬುಕ್ ಸ್ಕ್ರೋಲ್ ಮಲ್ಪುನಗ ವಸಂತ್ ಗಿಳಿಯಾರ್ ಧರ್ಮೊಲೆನ ನಡುಟು ಅಂಚೆನೇ ಸಮುದಾಯೊಲೆನ ನಡುಟು ನಡುವೆ ಪಗೆ ಬಿತ್ತುನಂಚಿನ ಸೊಲ್ಲಂಜೊಲೆನ್ ಪ್ರಸಾರ ಮಲ್ದಿನ ತೋಜಿದ್ ಬೈದ್ಂಡ್, ಉಂದೆರ್ದಾವರ ಸಾಮಾಜಿಕ ಸ್ವಾಸ್ಥ್ಯ ತೆಟ್ಟುನ ಸಾಧ್ಯತೆ ಉಂಡು ಪನ್ದ್ ಬೊಲ್ತೇರ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಅಂಚಾದ್ ಬೊಲ್ತೇರ್ ಸ್ಟೇಶನ್ಡ್ ಅ.ಕ್ರ. : 84/2025 ಕಲಂ. 196 (1) (ಎ) 353(2) ಬಿ.ಎನ್.ಎಸ್. 2023 ದ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.