Last updated on August 10th, 2025 at 10:42 am
ಕುಡ್ಲ, ಆ 09: ಪೊಯ್ಯೆ ಬಜಾರ್ದ ಲೂಕ್ಯೆ ಹೌಸ್ ಪಾಲ್ಗಣಿ ನಿವಾಸಿ ಶಾಹಿನಾ ಬಾನು (23) ಪನ್ಪಿನಾರ್ ದೋಸ್ತಿಲೆನ ಒಟ್ಟುಗು ಕುಡ್ಲ ಪೇಂಟೆಗ್ ಪೋದು ಬರ್ಪೆ ಪನ್ದ್ ಅಮ್ಮೆರೆಡ ಪನ್ಡ್ದ್ ಪೋತಿನಾರ್ ಪಿರ ಇಲ್ಲಗ್ ಬರಂದೆ ಕಾಣೆ ಆತಿನ ಬಗೆಟ್ ತೆನ್ಕಾಯಿ ಕುಡ್ಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಆರೆನ ಇಲ್ಲದಕುಲು ಆರೆನ ದೋಸ್ತಿಲೆಡ ಪಾತೆರ್ನಗ, ಆರ್ ಅಕ್ಲೆನ್ ತಿಕ್ಯೆರ ಬತ್ತ್ದಿಜೆರ್ ಪನ್ದ್ ಅಕುಲು ದೃಢ ಮಲ್ತ್ದೆರ್. ಬೇತೆ ಬೇತೆ ಜಾಗೆಲೆಡ್ ನಾಡ್ಂಡಲ, ಇದಮುಟ್ಟ ಆರೆನ ಬಗೆಟ್ ದಾಲ ಒಲವು ತಿಕ್ಕ್ದಿಜಿ.
ಕಾಣೆ ಆತಿನಾರೆನ ಪೊಲಬು :- ಎತ್ತರ: 4.8 ಫೀಟ್, ಗೋಧಿ ಮೈ ಬಣ್ಣ, ಸಾಧಾರಣ ಮೈಕಟ್ಟ್, ಕಪ್ಪು ಕುಜಲ್ ಉಂಡು. ಕಾಣೆ ಆತಿನಾನಿ ನೀಲಿ ರಂಗ್ದ ಜೀನ್ಸ್ ಪ್ಯಾಂಟ್ ಬೊಕ್ಕ ಬೊಲ್ದು ರಂಗ್ದ ಟಾಪ್ ಅಂಚೆನೇ ಕಪ್ಪು ಬಣ್ಣದ ಬುರ್ಖಾ ಪಾಡ್ದಿತ್ತೆರ್. ತುಳು, ಹಿಂದಿ, ಇಂಗ್ಲೀಷ್, ಬ್ಯಾರಿ, ಕನ್ನಡ ಭಾಷೆ ಪಾತೆರುವೆರ್. ಮೆರೆನ ಬಗೆಟ್ ಒಲವು ತಿಕ್ಕ್ಂಡ ತೆನ್ಕಾಯಿ ಕುಡ್ಲ ಪೊಲೀಸ್ ಸ್ಟೇಷನ್ಗ್ ತೆರಿಪಾಯೆರ ಪ್ರಕಟಣೆಡ್ ಪನ್ತೆರ್.