Last updated on August 11th, 2025 at 10:54 am
ಪುತ್ತೂರು, ಆ. 11: 10 ಕೆಜಿ ತೂಕೊದ ಸುಮಾರ್ 8 ಸಾರ ರೂಪಾಯಿ ಮೌಲ್ಯೊದ ಚೆಂಬುದ ಗಂಟೆ ಕನ್ಡಿನ ಆರೋಪಿನ್ ಪುತ್ತೂರು ನಗರ ಸ್ಟೇಷನ್ ಪೊಲೀಸೆರ್ ಪತ್ತ್ದೆರ್.
ಕೈದಾತಿನಾಯನ್ ಕಬಕ ನಿವಾಸಿ ಸಂಶುದ್ದೀನ್ @ ಸಂಶು (50) ಪನ್ದ್ ಗುರ್ತ ಪತ್ತ್ದೆರ್. ಜುಲೈ 26 ತಾನಿ ಪುತ್ತೂರು ನಗರ ಪೊಲೀಸ್ ಸ್ಟೇಶನ್ಡ್ ದಾಕಲಾದಿತ್ತಿನ ಸುಮಾರ್ 10 ಕೆಜಿ ತೂಕೊದ ಸುಮಾರ್ 8000/- ರೂ ಮೌಲ್ಯೊದ ಚೆಂಬುದ ಗಂಟೆ ಕನ್ಡ್ದ್ ಪೋತಿನ ಪ್ರಕರಣೊಡು, ತೇದಿ : 26.07.2025 ತಾನಿ ಅ.ಕ್ರ. :63/2025, ಕಲಂ: 303(2) BNS 2023 ದ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತ್ದ್, ಪ್ರಕರಣೊದ ಆರೋಪಿ ಪುತ್ತೂರು, ಕಬಕ ನಿವಾಸಿ ಸಂಶುದ್ದೀನ್ @ ಸಂಶು (50) ಪನ್ಪಿನಾಯನ್ ಪುತ್ತೂರು ನಗರ ಸ್ಟೇಷನ್ ಪೊಲೀಸೆರ್ ದಸ್ತಗಿರಿ ಮಲ್ತ್ದೆರ್. ಈ ಆರೋಪಿಗ್ ಪುತ್ತೂರು ನಗರ ಸ್ಟೇಶನ್ ಅ.ಕ್ರ 83/2004, ಕಲಂ: 454, 380 ಐಪಿಸಿ ಪ್ರಕರಣೊಡ್ಲಾ ಕೈ ಇತ್ತ್ಂಡ್ ಪನ್ದ್ ತೆರಿದ್ ಬೈದ್ಂಡ್.