Last updated on August 13th, 2025 at 02:36 pm
ಗುರುವಾಯನಕೆರೆ, ಆ. 13: ಚಾರ್ಮಾಡಿದಂಚಿರ್ದ್ ಅಕ್ರಮವಾದ್ ಇನ್ನೋವಾ ಕಾರ್ಡ್ ಮೂಜಿ ಪೆತ್ತೊಲೆನ್ ಹಿಂಸಾತ್ಮಕ ರೀತಿಡ್ ಕಟ್ಟ್ ದ್ ಪಾಡ್ದ್ ಕೊನೊವೊಂದುಪ್ಪುನ ಪೊರ್ತುಡು ಪೋಲೀಸೆರ್ ಉಂತಾದಿನ ನಡಕೆ ಗುರುವಾಯನಕೆರೆ ಸರ್ಕಲ್ಡ್ ಇನಿ, ಆಗಸ್ಟ್ 12 ತ ಕಾಂಡೆ ನಡತ್ದ್ಂಡ್.
ಚಾರ್ಮಾಡಿದಂಚಿರ್ದ್ ಬಾರೀ ಬರಸ್ಡ್ ಬತ್ತಿನ ಕಾರ್ ಗುರುವಾಯನಕೆರೆಡ್ ಮೂಜಿ ಗಾಡಿಲೆಗ್ ಎಡ್ತಿನ ಪೊರ್ತುಡು ಅಲ್ಪನೇ ಉಂತುದಿತ್ತಿನ ಟ್ರಾಫಿಕ್ ಪೊಲೀಸೆರ್ ಗಾಡಿನ್ ಉಂತಾದೆರ್. ಅವೆಟಿತ್ತಿನ ಮೂವೆರೆಡ್ ಇರ್ವೆರ್ ಪೊಲೀಸೆರೆಗೇ ಆಕ್ದ್ ಪದ್ರಾಡಾದಿತ್ತ್ದ್ ಒರಿಯನ್ ವಶೊಕು ಗೆತೊಂದೆರ್. ಜಾಗೆಡ್ ಎಚ್ಚಿನ ಸಾರ್ವಜನಿಕೆರ್ ಸೇರ್ದ್ ಟ್ರಾಫಿಕ್ ಜಾಮ್ ಉಂಡಾತ್ಂಡ್. ಕಾರ್ಗ್ ರಡ್ಡ್ ರಡ್ಡ್ ನಂಬರ್ ಪ್ಲೇಟ್ಲೆನ್ ಪಾಡ್ದ್ ಅಕ್ರಮವಾದ್, ಕನ್ಡಿನ ಪೆತ್ತೊಲೆನ್ ಕೊನೊವೊಂದಿತ್ತೆರ್.
ಮೂಜಿ ಪೆತ್ತೊಲೆಡ್ ರಡ್ಡ್ ಪೆತ್ತೊಲು ಲಕ್ಕ್ದ್ ಉಂತುದ, ಮೂಜನೇ ಪೆತ್ತೊಗು ಬೇನೆಡ್ ಲಕ್ಕ್ದ್ ಉಂತೆರೆ ಆವಂದೆ ನರೆಲೊಂದುಂಡು. ಜಾಗೆಗ್ ಬೊಲ್ತೇರ್ ಟ್ರಾಫಿಕ್ ಪೊಲೀಸೆರ್ ಬೊಕ್ಕ ಬೊಲ್ತೇರ್ ಪೊಲೀಸ್ ಪೋಲೀಸ್ ಇನ್ಸ್ಪೆಕ್ಟರ್ ಸುಬ್ಬಾಪುರ್ ಮಠ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.