Last updated on August 14th, 2025 at 11:35 am
ಕುಡ್ಲ, ಆ. 14: ಅಪ್ರಾಪ್ತ ಪ್ರಾಯೊದ ಕಾಲೇಜ್ ಕಲ್ಪುನ ಪೊಣ್ಣು ಬೊಕ್ಕ ಜವನೆ ಒರಿ ಸ್ಟೇಟ್ಬ್ಯಾಂಕ್ ಕೈತಲ್ದ ಸರ್ವಿಸ್ ಬಸ್ ಉಂತಡೆದ ಕೈತಲ್ ನಡತೊಂದು ಪೋನಗ ಆರೋಪಿಲು ಅಡ್ಡಕಟ್ಟ್ದ್ ಉಂತಾದ್ ಪೋಡಿಕಟ್ಟಾದಿನ ನಡಕೆ ನಡತಿತ್ತ್ದ್, ಈ ಪ್ರಕರಣೊಡು 6 ಜನೊನು ಪಾಂಡೇಶ್ವರದ ತೆನ್ಕಾಯಿ ಸ್ಟೇಶನ್ ಪೊಲೀಸೆರ್ ಬುಧವಾರ ಕೈದ್ ಮಲ್ದೆರ್.
ಕೈದಾತಿನಕ್ಲೆನ್ ಗಣೇಶೆ, ಶ್ರೇಯಸ್, ಚಿಂಟು, ಚಂದನ್, ನಾಗರಾಜ್ ಬೊಕ್ಕ ರಾಮಚಂದ್ರೆ ಪನ್ದ್ ಗುರ್ತ ಪತ್ತ್ದೆರ್. ಬೇತೆ ಬೇತೆ ಧರ್ಮೊಧ ಜವನೆ ಬೊಕ್ಕ ಪೊಣ್ಣು ಸೋಮವಾರ (ಆ. 11) ಬಯ್ಯಡ್ ಒಟ್ಟುಗು ನಡತೊಂದು ಪೋವೊಂದುಪ್ಪುನಗ ಆರೋಪಿಲು ಅಡ್ಡಕಟ್ಟ್ದ್, ಪೊಣ್ಣಗ್ ನೆರ್ತೆರ್. ಪೊಣ್ಣು ಬರೆಪಾದಿನ ಒಯಿಲ್ದ ಪ್ರಕಾರ ಪ್ರಕರಣ ದಾಕಲ್ತೊಂದ’ ಪನ್ದ್ ಪೋಲೀಸೆರ್ ತೆರಿಪಾದೆರ್.
ಪೇಂಟೆದ ಪಿಯು ಕಾಲೇಜ್ದ ಪೊಣ್ಣು ಕ್ಲಾಸ್ ಆಯಿಬೊಕ್ಕ ಸರ್ವಿಸ್ ಬಸ್ ಉಂತಡೆಗ್ ತನ್ನ ದೋಸ್ತಿನ ಒಟ್ಟುಗು ಪೋತಲ್. ಆಲೆನ ದೋಸ್ತಿ ಮಧ್ಯಾಹ್ನ 3.30ತ ಅಂದಾಜಿಗ್ ಬಸ್ಡ್ ಇಲ್ಲಗ್ ಪೋತೆ. ಆ ದೋಸ್ತಿನ ಗುರ್ತದ ಒರಿಯನ ಒಟ್ಟುಗು ಪೊಣ್ಣು ಪಾತೆರೊಂದು ಒಟ್ಟುಗು ನಡತೊಂದು ಪೋನಗ ಏಳೆಣ್ಮ ಜನ ಅಕಲೆನ್ ಉಂತಾದ್ ಲಡಯಿ ಮಲ್ದೆರ್ ಪನ್ದ್ ಪೊಲೀಸೆರ್ ಒಲವು ಕೊರ್ತೆರ್.