ರೇಣುಕಾಸ್ವಾಮಿನ್ ಕೆರ್ತಿನ ಪ್ರಕರಣ – ನಟೆ ದರ್ಶನ್, ಪವಿತ್ರಾಗೌಡ ಸೇರ್ದ್ ಮಾತಾ ಏಳ್ ಆರೋಪಿಲೆನ ಜಾಮೀನ್ ಕ್ಯಾನ್ಸಲ್

Last updated on August 14th, 2025 at 01:10 pm

ದೆಲ್ಲಿ, ಆ. 14: ರೇಣುಕಾಸ್ವಾಮಿನ್ ಕೆರ್ತಿನ ಪ್ರಕರಣೊಡು ನಟೆ ದರ್ಶನ್, ಪವಿತ್ರಾಗೌಡ ಸೇರ್ದ್ ಮಾತಾ ಏಳ್ ಆರೋಪಿಲೆನ ಜಾಮೀನ್‌ನ್ ಕ್ಯಾನ್ಸಲ್ ಮಲ್ತ್‌ದ್ ಸುಪ್ರೀಂಕೋರ್ಟ್ ಆದೇಶ ಮಲ್ದ್ಂಡ್.

ರೇಣುಕಾಸ್ವಾಮಿನ್ ಕೆರ್ತಿನ ಪ್ರಕರಣೊಡು  ನಟೆ ದರ್ಶನ್‌, ಪವಿತ್ರಾ ಗೌಡ ಮೊಕಲೆಗ್ ಹೈಕೋರ್ಟ್‌ ಜಾಮೀನ್ ಕೊರ್ತಿನೆನ್ ಪ್ರಶ್ನೆ ಮಲ್ತ್‌ದ್ ರಾಜ್ಯ ಸರ್ಕಾರ ಸಂದಾದಿನ ಮಿತ್ತಬಿನ್ನಪುಗು ಸಂಬಂಧಿತ್‌ದ್ ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿ ಜೆ ಬಿ ಪಾರ್ದಿವಾಲಾ ತೀರ್ಪು ಕೊರ್ತೆರ್, ಉಂದೊಂಜಿ ಪ್ರೌಢಿಮೆದ ತೀರ್ಪು ಆದಿತ್ತ್‌ದ್, ಏತೇ ಮಲ್ಲಾಯೆ ಆವಡ್, ಕಾನೂನುರ್ದ್ ಮಲ್ಲೆ ಅತ್ತ್ ಪನ್ಪಿನ ಸೊಲ್ಲಂಜ ಕೊರ್ತುಂಡು.

ನ್ಯಾಯದಾನೊದ ವಿಚಾರೊಡು ನ್ಯಾಯವ್ಯವಸ್ಥೆದ ಒವ್ವೇ ಹಂತೊಡು ಕಾನೂನಾತ್ಮಕ ಆಳ್ಮೆನ್ ಏತೇ ಪಿರಿಯ ಆಂಡಲಾ ದೆರ್ತ್ ಪತ್ತೊಡು ಪನ್ಪಿನ ಸೊಲ್ಲಂಜೊನು ಈ ತೀರ್ಪು ಕೊರ್ತುಂಡು.

ಈ ಕೆರ್ತಿನ ಪ್ರಕರಣೊಡು ಎ1 ಪವಿತ್ರಾಗೌಡ, ಎ2 ದರ್ಶನ್, ಎ6 ಜಗದೀಶ್ ಅಲಿಯಾಸ್ ಜಗ್ಗ, ಎ7 ಅನುಕುಮಾರ್ ಅಲಿಯಾಸ್ ಅನು, ಎ14 ಪ್ರದೋಶ್ , ಎ11 ನಾಗರಾಜು ಅಲಿಯಾಸ್ ನಾಗ, ಎ12 ಲಕ್ಷ್ಮಣ್‌ನ ಜಾಮೀನ್ ಕ್ಯಾನ್ಸಲ್ ಆತ್ಂಡ್.