Last updated on August 21st, 2025 at 09:30 am
ತೊರ್ತಲ್, ಆ. 21: ಟಿಪ್ಪರ್ ಲಾರಿದ ಟಯರ್ದಡಿಕ್ ಬೂರ್ದ್ ಬೈಕ್ಡ್ ಪಿರವು ಕುಲ್ದಿತ್ತಿನಾರ್ ಒರ್ತಿ ಅಲ್ಪನೇ ತೀರ್ದಿನ ನಡಕೆ ಎಂ.ಆರ್.ಪಿ.ಎಲ್. ಕಾರ್ಗೋ ಗೇಟ್ದ ಕೈತಲ್ ಕೋಡೆ, ಬುಧವಾರ ಮಧ್ಯಾಹ್ನ ನಡತ್ದ್ಂಡ್.
ಉತ್ತರ ಕನ್ನಡ ಮೂಲೊದ, ಇತ್ತೆ ಕಾಟಿಪಳ್ಳ ಕೈಕಂಬಡ್ ಇತ್ತಿನ ಶ್ವೇತಾ (20) ತೀರ್ದಿನಾರ್. ಬೈಕ್ ಬುಡೊಂದಿತ್ತಿನ ಆರೆನ ಪಲಯಗ್ ಕಿಞ್ಞ ಕಿಞ್ಞ ಗಡಿಕುಲಾತ.
ಶ್ವೇತಾ ತನ್ನ ಪಲಯನ ಬೈಕ್ಡ್ ಕಾಟಿಪಳ್ಳ ಕೈಕಂಬರ್ದ್ ತೊರ್ತಲ್ ದಂಚಿ ಪೋವೊಂದುಪ್ಪುನಗ ಪಿರವುರ್ದ್ ಬರೊಂದಿತ್ತಿನ ಟಿಪ್ಪರ್ ಲಾರಿದ ಅಡಿಕ್ ಬೂರ್ದೆರ್. ಆರೆನ ಬಂಜಿದ ಮಿತ್ತ್ಡೇ ಲಾರಿ ಪೋದು ಆರ್ ಅಲ್ಪನೇ ತೀರ್ದೆರ್ ಪನ್ದ್ ಪನೊಂದುಲ್ಲೆರ್.
ಇಂಚ ಆಯಿನೆಟ್ಟಿಗೇ ಡ್ರೈವರ್ ಲಾರಿ ಬುಡ್ದು ಪದ್ರಾಡಾತೆ. ಜಾಗೆಗ್ ಬಡಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲ್ತೊಂದು ಟಿಪ್ಪರ್ನ್ ವಶೊಕು ಗೆತೊಂದೆರ್.