Last updated on September 8th, 2025 at 01:59 pm
ಬಂಟ್ವಾಳ: ನರಿಕೊಂಬುದ ಬೋರುಗುಡ್ಡೆಡ್ ಒಂಜಿ ಇಲ್ಲಗ್ ಸೂ ಬೂರ್ದು ಅಲಕ್ಕ ಪೊತ್ತುದು ಸುಡು ಸೂಕರಿ ಆತಿನ ನಡಕೆ ಇನಿ (ಸೆ.8) ಕಾಂಡೆ ನಡತ್ದ್ಂಡ್.
ಬೋರುಗುಡ್ಡೆ ನಿವಾಸಿ ರಮೇಶ್ ಪನ್ಪಿನಾರೆನ ಇಲ್ಲಗ್ ಸೂ ಬೂರ್ದಿತ್ತ್ದ್, ಕರೆಂಟ್ ಶಾರ್ಟ್ ಸರ್ಕ್ಯೂಟ್ ರ್ದ್ ಇಂಚ ಆದುಪ್ಪು ಪನ್ದ್ ಅಂದಾಜಿ ಮಲ್ದೆರ್. ಪುಲ್ಯ ಸುಮಾರ್ 4 ಗಂಟೆದ ಅಂದಾಜಿಗ್ ನಡಕೆ ನಡತಿತ್ತ್ದ್, ಜೆತ್ತಿತ್ತಿನ ಇಲ್ಲದಕುಲು ಮಾತಾ ಪಿದಯಿ ಬತ್ತ್ದ್ ಜೂವೊಗು ದಾಲ ಆವಂದೆ ಬಚಾವಾತೆರ್.
ಉಂದು ಟೆರೇಸ್ ಇಲ್ಲ್ ಆದಿತ್ತ್ದ್, ಇಲ್ಲದುಲಯಿದ ಎಲೆಕ್ಟ್ರಾನಿಕ್ ಸೊತ್ತುಲು, ಬೇತೆ ಸೊತ್ತುಗಳು ಅಲಕ್ಕ ಪೊತ್ತುದು ಪೋತ. ಬಂಟ್ವಾಳ ಅಗ್ನಿಶಾಮಕ ದಳೊತಕುಲು ಬತ್ತ್ದ್ ಸೂ ತೆಕ್ಕಾದೆರ್.