Last updated on September 12th, 2025 at 09:34 am
ಬಂಟ್ವಾಳ, ಸೆ. 12: ಅನುದಾಂತೆ ನಡತೊಂದಿತ್ತಿನ ಕೋರಿದ ಕಟ್ಟ ಬೊಕ್ಕ ಜುಗಾರಿದ ಜಾಗೆಗ್ ಪುಂಜಾಲಕಟ್ಟೆ ಪೊಲೀಸೆರ್ ದಾಳಿ ಮಲ್ತಿನ ನಡಕೆ ಇಂಚಿಪ ಬಂಟ್ವಾಳ ತಾಲೂಕ್ದ ಕೊಡಂಬೊಟ್ಟು ಗ್ರಾಮೊದ ತಿಮ್ಮೊಟ್ಟು ಪನ್ಪಿನಲ್ಪ ನಡತಿತ್ತ್ದ್, ಜುಗಾರಿ ಗೊಬ್ಬೊಂದಿತ್ತಿನಕ್ಲೆನ್ ಅಂಚೆನೇ ಗಲಸಿನ ಕೋರಿ ಬೊಕ್ಕ ಕಾಸ್ನ್ ವಶೊಕು ಗೆತೊಂದೆರ್.
ಪುಂಜಾಲಕಟ್ಟೆ ಪೊಲೀಸೆರೆಗ್ ತಿಕ್ಕಿನ ಪತ್ತ ಒಲವುಡು ತಿಮ್ಮೊಟ್ಟುದ ಸರಕಾರಿ ಜಾಗೆಗ್ ಪೋನಗ ಅಪಾದಿತೆರಾಯಿನ ಜಗದೀಶ್ ಶೆಟ್ಟಿ, ನವೀನೆ, ಪ್ರದೀಪ್, ಕೇಶವ ತಿಮ್ಮೊಟ್ಟು, ಅಜಿತ್ ಇರ್ವತ್ತೂರು ಬೊಕ್ಕ ಬೇತೆ ಒಂತೆ ಜನ ಒಟ್ಟು ಸೇರ್ದ್ ಕಾಸ್ ಕಟ್ಟ್ದ್ ಅಕ್ರಮವಾದ್ ಕೋರಿದ ಕಟ್ಟ ಮಲ್ಪಾವೊಂದಿತ್ತೆರ್ಗೆ.
ಈ ವಿಚಾರ ತೆರಿದ್ ಪೊಲೀಸೆರ್ ದಾಳಿ ಮಲ್ತ್ದ್ ಅಪಾದಿತೆರೆನ್ ಬೊಕ್ಕ ಅಕುಲು ಕೋರ್ದಟ್ಟ ಗ್ ಬುಡ್ತಿನ ಒಂಜಿ ಪೂಂಜೆ ಅಂಚೆನೇ 9430 ರೂ. ಕಾಸ್ನ್ ಸ್ವಾಧೀನ ಮಲ್ತೊಂದೆರ್. ಈ ಬಗೆಟ್ ಪುಂಜಾಲಕಟ್ಟೆ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.