Last updated on September 18th, 2025 at 02:08 pm
ಕುಡ್ಲ, ಸೆ. 18: ಪೇಂಟೆದ ಯೆಯ್ಯಾಡಿ ಜಂಕ್ಷನ್ಡ್ ಕೋಡೆ ನಡತಿನ ಎಡ್ತೆಡ್ ಜವನೆ ಎಂಜಿನಿಯರ್ ಒರಿ ತೀರ್ದೆರ್.
ಯೆಯ್ಯಾಡಿದ ಕೌಶಿಕ್ (27) ತೀರ್ದಿನಾರ್. ದಿನೊಲಾ ಕಾಂಡೆ ಇಲ್ಲಲೆಗ್ ಪೇಪರ್ ಪಾಡೊಂದಿತ್ತೆರ್. ಅಮ್ಮೆರೆನ ಒಟ್ಟುಗು ಕಾಂಡೆ ಪೇಪರ್ ಪಾಡ್ದ್ ಪಿರಬನ್ನಗ ಕೌಶಿಕ್ ಬುಡೊಂದಿತ್ತಿನ ಬೈಕ್ಗ್ ರಿಕ್ಷಾ ಒಂಜಿ ಎಡ್ತ್ದ್ಂಡ್. ಗಾತಿದ ಗಡಿಕುಲಾತಿನ ಕೌಶಿಕ್ ಅಲ್ಪನೇ ಸಾದಿ ನಡುಟು ತೀರ್ದೆರ್. ಮೂಡಾಯಿ ಟ್ರಾಫಿಕ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.
ಕೌಶಿಕ್ನ ಅಮ್ಮೆರ್ ರಾಮಚಂದ್ರೆರ್ ಪೇಪರ್ ವಿತರಕೆರಾದಿತ್ತೆರ್. ಕೌಶಿಕ್ ಆರೆನ ಒರಿಯೇ ಮಗೆ, ಸಿವಿಲ್ ಎಂಜಿನಿಯರ್ ಆದಿತ್ತೆ. ಕೌಶಿಕ್ ಕಾಂಡೆ ಪೇಪರ್ ಪಾಡ್ಯೆರ ಅಮ್ಮೆರೆಗ್ ಸಕಾಯ ಮಲ್ತ್ದ್ ಬೊಕ್ಕ ಬೇಲೆಗ್ ಪೋಪೆದೆರ್. ಮಾತೆರೆಡ ಎಡ್ಡೆಡ್ ಇತ್ತಿನ ಕೌಶಿಕ್ ಐಟೆದ ಮಾತೆರೆಗ್ಲಾ ಬೋಡಾಯಿನಾರ್ ಆದಿತ್ತೆರ್. ಸಿವಿಲ್ ಇಂಜಿನಿಯರ್ ಆದಿತ್ತ್ಂಡಲಾ ಕೌಶಿಕ್ ಕಾಂಡೆ ಲಕ್ಕ್ದ್ ಪೇಪರ್ ಪಾಡುನ ಬೇಲೆ ಉಂತಾದಿಜ್ಜಂಡ್.