Last updated on September 23rd, 2025 at 09:17 am
ಒಡಿಪು ಸೆ. 23: ಎನ್ನ ಮಿತ್ತ್ ಇಜ್ಜಂದಿನ ಆರೋಪ ಪಾಡೊಂದುಲ್ಲೆರ್ ಪನ್ದ್ ಆರೋಪ ಮಲ್ತ್ದ್ ಅವೆತ ಬಗೆಟ್ ವಿಡಿಯೋ ಮಲ್ತ್ದ್ ಆಂಜೊವು ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಕಟ್ಪಾಡಿ ಮುಟ್ಟದ ಸುಭಾಷ್ ನಗರ ಪನ್ಪಿನಲ್ಪ ಐತಾರ ರಾತ್ರೆ ನಡತ್ದ್ಂಡ್.
ತೀರ್ದಿನಾರೆನ್ ಸುಭಾಷ್ ನಗರ ನಿವಾಸಿ ಶೇಕ್ ಅಬ್ದುಲ್ಲೆ(38) ಪನ್ದ್ ಗುರ್ತ ಪತ್ತ್ದೆರ್. ಎನ್ನ ಸಾವುಗು ನೆವನ ಮಿಸಾಲ್, ಮಿಸಾಲ್ ನ ಅಪ್ಪೆ ಬೊಕ್ಕ ತಂಗಡಿ ಪನ್ದ್ ಶೇಕ್ ಅಬ್ದುಲ್ಲೆ ವಿಡಿಯೋಡ್ ಆರೋಪ ಮಲ್ತ್ದೆರ್. ಇತ್ತೆ ಈ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ತನ್ನ ಮೆಗ್ಯನ ಸಾವುಗು ಈ ಮೂವೆರ್ ಮಲ್ದಿನ ಕಲು ಆರೋಪನೇ ನೆವನ ಪನ್ದ್ ತೀರ್ದಿನಾರೆನ ಪಲಯೆ ಬರೆಪಾದಿನ ಒಯಿಲ್ದ ಪ್ರಕಾರ ಶಿರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.