Last updated on September 25th, 2025 at 10:25 am
ಕುಡ್ಲ, ಸೆ. 25: ರೈಲ್ವೆ ಪಟ್ಟೆಲೆನ ವಿದ್ಯುದೀಕರಣದ ಬೇಲೆ ಇಪ್ಪುನೆರ್ದಾವರ ಡಿಸೆಂಬರ್ 15 ಮುಟ್ಟ ಕುಡ್ಲ-ಬೆಂಗಳೂರು ಪಗೆಲ್ದ ರೈಲ್ ಸಂಚಾರೊನು ತಾತ್ಕಾಲಿಕವಾದ್ ಉಂತಾದ ಪನ್ದ್ ಕೊಂಕಣ ರೈಲ್ವೆ ಪ್ರಕಟಣೆಡ್ ತೆರಿಪಾದ್ಂಡ್.
ರೈಲ್ ನಂ.16515 ಯಶವಂತಪುರ-ಕಾರವಾರ ನಡುಟು ಸೋಮವಾರ, ಬುಧವಾರ, ಶುಕ್ರವಾರ ಬಲಿತೊಂದಿತ್ತಿನ ರೈಲ್ದ ಸಂಚಾರೊದ ರದ್ದತಿದ ಪೊರ್ತುನು ನವೆಂಬರ್ 3ರ್ದ್ ಡಿ.15 ಮುಟ್ಟ ಎದುರು ಪಾಡ್ದೆರ್.
ಅಂಚೆನೇ ರೈಲ್ ನಂ.16516 ಕಾರವಾರ-ಯಶವಂತಪುರ ನಡುಟು ಪ್ರತಿ ಅಂಗಾರೆ, ಗುರುವಾರ, ಶನಿವಾರ ಬಲಿತೊಂದಿತ್ತಿನ ರೈಲ್ದ ಸಂಚಾರೊದ ರದ್ಧತಿದ ಪೊರ್ತುನು ನ.4ರ್ದ್ ಡಿಸೆಂಬರ್ 16 ಮುಟ್ಟ ಎದುರು ಪಾಡ್ದೆರ್. ಅಂಚಾದ್ ರಡ್ಡ್ ರೈಲ್ಲೆನಲಾ 19 – 19 ಟ್ರಿಪ್ಲು ಕ್ಯಾನ್ಸಲ್ ಆತ.
16575 ಯಶವಂತಪುರ-ಕುಡ್ಲ ಜಂಕ್ಷನ್ ಟ್ರೈವೀಕ್ಲಿ ಗೊಮ್ಮಟೇಶ್ವರ ಎಕ್ಸ್ಪ್ರೆಸ್ ಡಿ.14 ಮುಟ್ಟ, 16576 ಕುಡ್ಲ ಜಂಕ್ಷನ್ ಯಶವಂತಪುರ ಟ್ರೈ ವೀಕ್ಲಿ ಗೊಮ್ಮಟೇಶ್ವರ ಎಕ್ಸ್ ಪ್ರೆಸ್ ಡಿ.15 ಮುಟ್ಟ ಇಪ್ಪುಜಿ. ಮಂಗಳೂರು- ಹಾಸನ ರೈಲ್ ಮಾರ್ಗೊದ ಸುಬ್ರಹ್ಮಣ್ಯ ರೋಡ್ ಬೊಕ್ಕ ಸಕಲೇಶಪುರ ನಡುಟು ರೈಲ್ವೆ ಪಟ್ಟೆದ ವಿದ್ಯುದ್ದೀಕರಣ ಬೇಲೆ ನಡತೊಂದಿತ್ತ್ದ್, ಅವೆನ್ ಮುಗಿಪರೆ ಬೋಡಾದ್ ರೈಲ್ ಸಂಚಾರೊದ ರದ್ದತಿದ ಅವಧಿನ್ 44 ದಿನಕ್ ಎಚ್ಚ ಮಲ್ತ್ದ್ಂಡ್ ಪನ್ದ್ ನೈರುತ್ಯ ರೈಲ್ವೆದ ಮೂಲೊಲು ತೆರಿಪಾದ.