Last updated on September 30th, 2025 at 02:46 pm
ಬೆಂಗಳೂರು, ಸೆ. 30: ಸೌಜನ್ಯಪರ ಪೊರ್ಮ್ಬಾಟಗಾರೆ ಮಹೇಶ್ ಶೆಟ್ಟಿ ತಿಮರೋಡಿ ಗಡಿಪಾರ್ಗ್ ಪುತ್ತೂರು ಸಕಾಯಕ ಆಯುಕ್ತೆರ್ ಪಿದಡ್ಪಾದಿನ ಆದೇಶೊನು ಅಕ್ಟೋಬರ್ 8 ಮುಟ್ಟ ಜಾರಿಮಲ್ಪಂದಿಲೆಕ ಹೈಕೋರ್ಟ್ ಮಧ್ಯಂತರ ಆದೇಶ ಕೊರ್ತುಂಡು. ಅಂಚಾದ್ ಗಡಿಪಾರ್ ಆದೇಶೊರ್ದು ಮಹೇಶ್ ಶೆಟ್ಟಿ ತಿಮರೋಡಿ ಮೆರೆಗ್ ಟೆಂಪರರಿ ರಿಲೀಫ್ ತಿಕ್ಕ್ದ್ಂಡ್.
ರಾಯಚೂರು ಜಿಲ್ಲೆದ ಮಾನ್ವಿ ತಾಲೂಕ್ಗ್ ಗಡಿಪಾರ್ ಮಲ್ತ್ದ್ ಸೆಪ್ಟೆಂಬರ್ 18ದಾನಿ ಪುತ್ತೂರು ಸಕಾಯಕ ಆಯುಕ್ತೆರ್ ಸ್ಟೆಲ್ಲಾ ವರ್ಗಿಸ್ ಕೊರ್ತಿನ ಆದೇಶೊನು ಪ್ರಶ್ನೆ ಮಲ್ತ್ ದ್ ಮಹೇಶ್ ಶೆಟ್ಟಿ ತಿಮರೋಡಿ ಸಂದಾದಿನ ರಿಟ್ ಅರ್ಜಿದ ಬಗೆಟ್ ನ್ಯಾಯಮೂರ್ತಿ ಸಿ.ಎಂ.ಪೂಣಚ್ಚ ಮೆರೆನ ರಜಾಕಾಲೊದ ನ್ಯಾಯಪೀಠ ಇನಿ, ಅಂಗಾರೆ ವಿಚಾರಣೆ ಮಲ್ತ್ಂಡ್.
ಒಂತೆ ಪೊರ್ತು ಅರ್ಜಿ ಕೇನ್ಡಿನ ನ್ಯಾಯಪೀಠ, ತಿಮರೋಡಿನ ಗಡಿಪಾರ್ ಆದೇಶ ಜಾರಿಗ್ ಅಕ್ಟೋಬರ್ 8 ಮುಟ್ಟ ಮಧ್ಯಂತರ ತಡೆ ಕೊರ್ತಿನತ್ತಂದೆ, ಪ್ರತಿವಾದಿಲಾಯಿನ ರಾಜ್ಯ ಗೃಹ ಇಲಾಖೆ, ಪುತ್ತೂರು ಸಕಾಯಕ ಆಯುಕ್ತೆರ್, ಬಂಟ್ವಾಳ ಉಪ ವಿಭಾಗೊದ ಉಪ ಪೊಲೀಸ್ ವರಿಷ್ಠಾಧಿಕಾರಿ ಅಂಚೆನೇ ಬೊಲ್ತೇರ್ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ಗ್ ನೋಟಿಸ್ ಜಾರಿ ಮಲ್ತ್ದ್, ಅರ್ಜಿ ವಿಚಾರಣೆ ದುಂಬು ಪಾಡ್ದ್ಂಡ್.