Last updated on October 3rd, 2025 at 12:50 pm
ಬಂಟ್ವಾಳ, ಅ. 03: ಸಾದಿ ಕಡಪುನಗ ರಿಕ್ಷಾ ಎಡ್ತ್ದ್ ಆಂಜೊವು ಒರಿ ತೀರ್ದಿನ ನಡಕೆ ಬಂಟ್ವಾಳ ತಾಲೂಕ್ದ ಕಲ್ಲಡ್ಕದ ಅಮ್ಟೂರು ಕ್ರಾಸ್ ದಲ್ಪ ನಡತ್ದ್ಂಡ್.
ಸಜೀಪ ಮೂಡ ಗ್ರಾಮೊದ ಸುಭಾಷ್ ನಗರ ನಿವಾಸಿ ಲೋಕೇಶ್ ಮೂಲ್ಯೆರ್ (44) ತೀರ್ದಿನಾರ್.
ಲೋಕೇಶ್ ಮೇರ್ ಕಲ್ಲಡ್ಕದ ನಾಯರ ಪೆಟ್ರೋಲ್ ಪಂಪ್ ದ ಎದುರುದ ಸಾದಿ ಕಡಪುನಗ ಬಾರೀ ಬರಸ್ಡ್ ಬತ್ತಿನ ರಿಕ್ಷಾ ಎಡ್ತ್ದ್, ಡ್ರೈವರ್ನ ಅಂಕೆ ತತ್ತ್ದ್ ಬೊಕ್ಕ ಕಬ್ಬೆ ಬೂರ್ದ್ಂಡ್. ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ಲೋಕೇಶ್ ಮೆರೆನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ಂಡಲಾ ಮರ್ದ್ ಪಲಿಪಂದೆ ಕಾಂಡೆ ತೀರ್ದೆರ್ ಪನ್ದ್ ಪೋಲೀಸೆರ್ ಒಲವು ಕೊರ್ತೆರ್.
ರಿಕ್ಷಾಡ್ ಡ್ರೈವರ್ನ ಬೊಡೆದಿ ಜೋಕುಲು ಬೊಕ್ಕ ಮಾಮು ಇತ್ತ್ದ್, ಒವ್ವೇ ಗಡಿಕುಲಾವಂದೆ ಪಡಾಯಿರ್ದ್ ದೂರಾತೆರ್.
ಲೋಕೇಶ್ ಮೇರ್ ಸುಭಾಷ್ ನಗರೊದ ಶ್ರೀ ಶಾರದಾ ಪೂಜಾ ಮಹೋತ್ಸವ ಸಮಿತಿದ ಪದುಕೆರಾದಿತ್ತ್ದ್, ಸಾಮಾಜಿಕವಾದ್ ಅಂಚೆನೇ ಧಾರ್ಮಿಕವಾದ್ ಬೇತೆ ಬೇತೆ ಕಾರ್ಯಕ್ರಮೊಲೆಡ್ ಸಕ್ರಿಯೆರಾದಿತ್ತೆರ್.