Last updated on October 13th, 2025 at 10:37 am
ಮಣಿಪಾಲ: ಮಾಹೆ ವಿಶ್ವವಿದ್ಯಾನಿಲಯ ಟೈಮ್ಸ್ ಹೈಯರ್ ಎಜುಕೇಶನ್ ವರ್ಲ್ಡ್ ಯೂನಿವರ್ಸಿಟಿ ರ್ಯಾಂಕಿಂಗ್- 2026ಡ್ ಮಲ್ಲ ಸಾದಗೊ ಬೆನ್ತ್ಂಡ್.
2025ಟ್ 801-1000 ಬ್ರ್ಯಾಂಡ್ಡ್ ಇತ್ತಿನ ಮಾಹೆ ವಿವಿ ಈ ವರ್ಸ 601-800 ಬ್ರ್ಯಾಂಡ್ಗ್ಏರ್ದ್ಂಡ್ ಪನ್ದ್ ಸಂಸ್ಥೆದ ಪ್ರಕಟನೆ ತೆರಿಪಾದ್ಂಡ್.
ಈ ಏರ್ತೆಲ್ ಮಾಹೆದ ಸುದೃಢ ಸಂಶೋಧನ ಪರಿಸರ ವ್ಯವಸ್ಥೆ, ಎಡ್ಡೆ ಕಲ್ಪಾವುನ ಪರಿಸರ ಬೊಕ್ಕ ಬುಲೆಯೊಂದುಪ್ಪುನ ಜಾಗತಿಕ ಪುಗರ್ತೆನ್ ತೂಪಾವುಂಡು.
ಅ.9ದಾನಿ ಬುಡುಗಡೆ ಆಯಿನ ವರ್ಲ್ಡ್ ಯೂನಿವರ್ಸಿಟಿ ರ್ಯಾಂಕಿಂಗ್ ಡ್, 115 ದೇಶೊಲು ಬೊಕ್ಕ ಪ್ರಾಂತೊಲೆರ್ದ್ 2,191 ಸಂಸ್ಥೆಲೆನ ಮೌಲ್ಯಮಾಪನ ಮಲ್ದ್ಂಡ್.
18 ಮಾಪನಾಂಕ ನಿರ್ಣಯ ಮಲ್ತಿನ ಸೂಚಕೊಲೆನ್ ಗಲಸೊಂದು ಕಲ್ಪಾವುನ, ಸಂಶೋಧನ ಪರಿಸರ, ಸಂಶೋಧನ ಗುಣಮಟ್ಟೊ, ಅಂತಾರಾಷ್ಟ್ರೀಯ ದೃಷ್ಟಿಕೋನ ಬೊಕ್ಕ ಬ್ಯುಸಿನೆಸ್ದ ಆಧಾರೊಡು ರ್ಯಾಂಕಿಂಗ್ ಕೊರ್ತೆರ್. ಮಾಹೆ ಈ ಮಾತಾ ವಿಭಾಗೊಲೆಡ್ಲಾ ಎಡ್ಡೆ ಸಾದಗೊ ಬೆನ್ತ್ಂಡ್.
ಮಾಹೆ ಕುಲಪತಿ ಲೆ | ಜ। ಡಾ| ಎಂ.ಡಿ. ವೆಂಕಟೇಶ್ ಮೇರ್ ವಿವಿ ದ ಈ ಸಾದಗೊನು ಪುಗರ್ದ್, ವಿವಿದ ಶೈಕ್ಷಣಿಕ ಕಾರ್ಯಕ್ಷಮತೆ ಬೊಕ್ಕ ಸಂಶೋಧನ ವ್ಯವಸ್ಥೆದ ಗಟ್ಟಿ ಅಡಿಪಾಯ ಈ ಸಾದಗೊ ಬೆನ್ರೆ ನೆವನ ಪನ್ದ್ ಪನ್ಡೆರ್.