Last updated on October 16th, 2025 at 11:30 am
ಅರಸಿನಮಕ್ಕಿ, ಅ. 16: ತೆಂಕುತಿಟ್ಟ್ ಯಕ್ಷಗಾನ ರಂಗೊದ ಪುಗರ್ತೆದ ಪೆರಿಯ ಭಾಗವತೆರ್, ರಸ ರಾಗ ಚಕ್ರವರ್ತಿ ಮಾನಾದಿಗೆದ ದಿನೇಶ್ ಅಮ್ಮಣ್ಣಾಯೆರ್ ( 65 ವ) ಇನಿ (ಅ.16) ಅರಸಿನಮಕ್ಕಿದ ತನ್ನ ಇಲ್ಲಡ್ ತೀರ್ಯೆರ್.
ದಿನೇಶ್ ಅಮ್ಮಣ್ಣಾಯೆರ್ ದಾಮೋದರ ಮಂಡೆಚ್ಚೆರೆ ಶಿಷ್ಯೆ ಆದ್ ಪುತ್ತೂರು ಮೇಳೊದ ಮುಕೇನ ಕಲಾ ಜೂವನ ಸುರು ಮಲ್ತ್ದ್ ನಲ್ಪ ವರ್ಸೊರ್ದುಲಾ ಎಚ್ಚ ಕಾಲ ಯಕ್ಷಗಾನ ರಂಗೊಡು ಭಾಗವತೆರಾದ್ ಕಲಾ ಚಾಕಿರಿ ಮಲ್ದಿನಾರ್. ಆ ಕಾಲೊದ ಪುದರ್ಪೋತಿನ ಡೇರೆ ಮೇಳ ಆದಿತ್ತಿನ ಕರ್ನಾಟಕ ಮೇಳೊಡು ಮಲ್ಲ ಮಲ್ಲ ಕಲಾವಿದೆರೆನ್ ರಂಗೊಡು ನಲಿಪಾಯಿನ ಪುಗರ್ತೆ ಅಮ್ಮಣ್ಣಾಯೆರೆನ. ತುಳು ಪ್ರಸಂಗೊಲೆಗ್ ತನ್ನ ಕಂಠ ಮಾಧುರ್ಯೊರ್ದಾವರನೇ ಪಾಕ ಅಭಿಮಾನಿಲೆನ್ ಗೆಂದ್ದಿತ್ತೆರ್.