Last updated on October 17th, 2025 at 12:06 pm
ಬೆಂಗಳೂರು, ಅ. 17 : ಮೋಕೆನ್ ಒತ್ತೊಂಡಿಜಲ್ ಪನ್ಪಿ ನೆವನೊಗು ಪೊಣ್ಣನ ಮೋನೆಗ್ ಮುಂಚಿದ ಪೊಡಿ ದಕ್ಕ್ದ್ ಬೀಸತ್ತಿಡ್ ನಾಲಿ ಕೊಯ್ದ್ ಕೆರ್ತಿನ ನಡಕೆ ಬೆಂಗಳೂರದ ಶ್ರೀರಾಂಪುರ ಪೊಲೀಸ್ ಸ್ಟೇಶನ್ ಸೀಮೆದ ರೈಲ್ವೆ ಪಟ್ಟೆದ ಕೈತಲ್ ಗುರುವಾರ ಬಯ್ಯಡ್ ನಡತ್ದ್ಂಡ್.
ತೀರ್ದಿನಾರೆನ್ ಶ್ರೀರಾಂಪುರ ಮುಟ್ಟದ ಸ್ವತಂತ್ರಪಾಳ್ಯ ನಿವಾಸಿ ಯಾಮಿನಿ ಪ್ರಿಯಾ (20) ಪನ್ದ್ ಗುರ್ತ ಪತ್ತ್ದೆರ್. ಆರೋಪಿ ವಿಘ್ನೇಶ್ ಕೆರ್ದುಪ್ಪುನ ಶಂಕೆ ಉಂಡು. ಈ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಗೋಪಾಲ್ ಪನ್ಪಿನಾರೆನ ಮಗಲ್ ಪ್ರಿಯಾ ಬನಶಂಕರಿ ಮೂಜನೇ ನಿಲವುದ ಪ್ರೈವೇಟ್ ಕಾಲೇಜ್ಡ್ ಬಿ.ಫಾರ್ಮಾ ಓದೊಂದಿತ್ತೆರ್. ಇಲ್ಲಬರಿತ ವಿಘ್ನೇಶ್ ಪನ್ಪಿನಾಯೆ ಮೋಕೆ ಮಲ್ಪು ಪನ್ದ್ ಒತ್ತಾಯ ಮಲ್ಪೆದೆ. ಆಂಡ, ಪ್ರಿಯಾ ಆಯಡ ಆಪುಜಿ ಪನ್ದ್ ನಿರಾಕರಿತ್ದಿತ್ತಲ್ ಪನ್ದ್ ಮೂಲೊಲು ತೆರಿಪಾದ.
ಬಿ ಫಾರ್ಮ್ ಓದೊಂದಿತ್ತಿನ ಪ್ರಿಯಾ, ಎಕ್ಸಾಮ್ ಉಂಡು ಪನ್ದ್ ಕೋಡೆ (ಅಕ್ಟೋಬರ್ 16) ಕಾಂಡೆ ಏಳ್ ಗಂಟೆಗ್ ಇಲ್ಲರ್ದ್ ಕಾಲೇಜ್ಗ್ ಪೋದಿತ್ತ್ದ್, ಮಧ್ಯಾಹ್ನ ಕಾಲೇಜ್ ಮುಗಿತ್ದ್ ಇಲ್ಲಗ್ ಪಿರಬನ್ನಗ, ಪಿರವುರ್ದು ಬೈಕ್ಡ್ ಬತ್ತಿನ ಕೆಂಗುಡೆ, ಪ್ರಿಯಾನ ನಾಲಿ ಕೊಯ್ದ್ ಪದ್ರಾಡಾತೆ.