Last updated on October 28th, 2025 at 10:33 am
ಒಡಿಪು, ಅ. 28: ಒಂಜಿ ಕಾರ್ ಸ್ಕೂಟರ್ಗ್ ಎಡ್ತಿನೆರ್ದಾವರ ಸ್ಕೂಟರ್ಡ್ ಪಿರವು ಕುಲ್ದಿತ್ತಿನಾರ್ ತೀರ್ದಿನ ನಡಕೆ ನಿಟ್ಟೂರು ಕೆಎಸ್ಆರ್ಟಿಸಿ ಡಿಪ್ಪೋ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 66 ಟ್ ಅಕ್ಟೋಬರ್ 26ತಾನಿ ರಾತ್ರೆ ನಡತ್ದ್ಂಡ್.
ತೀರ್ದಿನಾರೆನ್ ಪೊಲೀಸ್ ಅಧಿಕಾರಿ ಸುದೇಶ್ ಶೆಟ್ಟಿ ಮೆರೆನ ಮಗಲ್ ಸ್ಪರ್ಶ (24) ಪನ್ದ್ ಗುರ್ತ ಪತ್ತ್ದೆರ್. ತೀರ್ದಿನಾರೆನ ಅಪ್ಪೆ ಶರ್ಮಿಳಾ (49) ಪನ್ಪಿನಾರೆಗ್ ಗಡಿಕುಲಾದ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
ಕರಾವಳಿ ಬೈಪಾಸ್ ರ್ದ್ ಸಂತೆಕಟ್ಟೆ ದಂಚಿ ಪೋವೊಂದಿತ್ತಿನ ಕಾರ್ ಎದುರುರ್ದ್ ಪೋವೊಂದಿತ್ತಿನ ಸ್ಕೂಟರ್ಗ್ ಪಿರವುರ್ದ್ ಎಡ್ತ್ದ್ಂಡ್ಗೆ. ಉಂದೆರ್ದಾವರ ಸ್ಕೂಟರ್ಡಿತ್ತಿನ ಇರ್ವೆರ್ಲಾ ಸಾದಿಗ್ ಬೂರ್ದೆರ್. ಗಡಿಕುಲಾತಿನ ಶರ್ಮಿಳಾ ಬೊಕ್ಕ ಸ್ಪರ್ಶ ಮೊಕಲೆನ್ ಮಣಿಪಾಲ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಗಾತಿದ ಗಡಿಕುಲಾತಿನ ಸ್ಪರ್ಷ ಮರ್ದ್ ಪಲಿಪಂದೆ ಕೋಡೆ ಆಸ್ಪತ್ರೆಡ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಒಡಿಪು ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.