Last updated on November 7th, 2025 at 12:54 pm
ಒಡಿಪು, ನ. 07: ಲಾಡ್ಜ್ ಗ್ ಅಪ್ರಾಪ್ತ ಪ್ರಾಯೊದ ಪೊಣ್ಣನೊಟ್ಟುಗು ಪೋದಿತ್ತಿನ ಜವನೆ ಒರಿ ರೆಡ್ ಹ್ಯಾಂಡ್ ಆದ್ ತಿಕ್ಕ್ದ್ ಬೂರ್ದಿನ ನಡಕೆ ಮಣಿಪಾಲಡ್ ನಡತ್ದ್ಂಡ್. ಲಾಡ್ಜ್ ಡ್ ತಿಕ್ಕ್ದ್ ಬೂರ್ದಿನ ಜವನನ್ ಕಟ್ಪಾಡಿ ಮಣಿಪುರ ನಿವಾಸಿ ಶ್ರೀಶಾಂತ್ ಪೂಜಾರಿ (20) ಪನ್ದ್ ಗುರ್ತ ಪತ್ತ್ದೆರ್.
ಶ್ರೀಶಾಂತ್ ಅಪ್ರಾಪ್ತ ಪೋಣ್ಣಗ್ ಮದಿಮೆ ಆಪೆ ಪನ್ದ್ ನಂಬಾದ್ ಮಣಿಪಾಲದ ಲಾಡ್ಜ್ ಗ್ ಲೆತೊಂದು ಪೋತೆಗೆ. ಉಂದೆತ ಒಲವು ತಿಕ್ಕಿನ ಪೊಣ್ಣನ ಇಲ್ಲದಕುಲು ಸೀದಾ ಲಾಡ್ಜ್ಗ್ ಪೊಲೀಸೆರೆ ಒಟ್ಟುಗು ದಾಳಿ ಮಲ್ತ್ದೆರ್. ಜವನೆ ಪೊಣ್ಣನ ಡೂಪ್ಲಿಕೇಟ್ ಆಧಾರ್ ಕಾರ್ಡ್ ಕೊರ್ದು ಲೆತೊಂದು ಪೋದಿತ್ತ್ದ್, ಆಯನ ಮಿತ್ತ್ ಪೊಲೀಸೆರ್ ಪೋಕ್ಸೊ ಪ್ರಕರಣ ದಾಕಲ್ತ್ದೆರ್.
ಈ ಬಗೆಟ್ ಒಲವು ತಿಕ್ಕಿನ ಕುಡೊರ್ತಿ ಅಪ್ರಾಪ್ತ ಪೊಣ್ಣುಲಾ ಆಯನ ಮಿತ್ತ್ ಒಯಿಲ್ ಬರೆಪಾದಲ್. ಎಂಕ್ಲಾ ಶ್ರೀಶಾಂತ್ ಮದಿಮೆ ಆಪೆ ಪನ್ದ್ ನಂಬಾದ್ ಲಾಡ್ಜ್ಗ್ ಲೆತೊಂದು ಪೋದಿತ್ತೆ ಪನ್ದ್ ಒಯಿಲ್ಡ್ ತೆರಿಪಾದಲ್.
ಪೊಲೀಸೆರ್ ಆರೋಪಿನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ನ್ಯಾಯಂತಡೆ ಆರೋಪಿನ್ ನ್ಯಾಯಾಂಗ ಕೈದ್ಗ್ ಕೊರ್ದು ಆದೇಶ ಮಲ್ದ್ಂಡ್.