Last updated on November 11th, 2025 at 12:13 pm
ತೊರ್ತಲ್, ನ. 11: ತೊರ್ತಲ್ ಇಡ್ಯಾ ನಿವಾಸಿ ಧನಲಕ್ಷ್ಮೀ ಪೂಜಾರಿ ರಾಷ್ಟ್ರೀಯ ಕಬಡ್ಡಿ ಟೀಮ್ಗ್ ಅಜತ್ ಬೈದಿತ್ತ್ದದ್, ನ. 13ತಾನಿ ಬಾಂಗ್ಲಾದೇಶ ಡ್ ನಡಪುನ 12 ದೇಶೊಲೆನ ಮಹಿಳಾ ವಿಶ್ವಕಪ್ ಕಬಡ್ಡಿಡ್ ಭಾರತೀಯ ಕೂಟೊನು ಪ್ರತಿನಿಧಿಪರೆ ಉಲ್ಲೆರ್.
ಎನ್ನ ಕಬಡ್ಡಿ ಗೊಬ್ಬುದ ಚಾತುರ್ಪುನು ತೂದು ಡಾ| ಎಂ. ಮೋಹನ್ ಆಳ್ವ ಮೇರ್ ತನ್ನ ಸಂಸ್ಥೆಡ್ ಧರ್ಮಾರ್ಥ ವಿದ್ಯಾಭ್ಯಾಸೊಗು ಅವಕಾಶ ಮಲ್ತ್ಕೊರ್ದು ಬೆರಿತಾಂಗ್ ಕೊರ್ದು ಉಮೇದ್ ದಿಂಜಾದೆರ್ ಪನ್ದ್ ಧನಲಕ್ಷ್ಮೀ ಪನ್ಡೆರ್. ಧನಲಕ್ಷ್ಮೀ ರಾಜ್ಯ ಕಬಡ್ಡಿ ಟೀಮ್ನ್ 2025 ಸೀನಿಯರ್ಲೆವೆಲ್ ಫೆಡರೇಶನ್ ಪಂತೊಡು ಕ್ಯಾಪ್ಟನ್ ಆದಿತ್ತೆರ್.
ಈತ್ನೆಟ 12 ಸರ್ತಿ ರಾಜ್ಯೊನು ಪ್ರತಿನಿಧಿತ್ದೆರ್. ಜೂನಿಯರ್, ಸೀನಿಯರ್, ಖೇಲೋ ಇಂಡಿಯಾ ಸ್ಪರ್ಧೆಲೆಡ್ ತನ್ನ ಚಾತುರ್ಪು ತೂಪಾದೆರ್. ಕರ್ನಾಟಕ ರಾಜ್ಯೊದ ಪರವಾದ್ ಧನಲಕ್ಷ್ಮೀ ಒರ್ತಿ ಮಾತ್ರ ರಾಷ್ಟ್ರೀಯ ಕೂಟೊಗು ಅಜತ್ ಬೈದೆರ್. ಮೇರ್ ಇಡ್ಯಾ ನಾರಾಯಣ ಪೂಜಾರಿ ಬೊಕ್ಕ ಶಶಿಕಲಾ ದಂಪತಿಲೆನ ಮಗಲ್.