Last updated on November 21st, 2025 at 08:57 am
ಕಾರ್ಲ, ನ. 21 : ಬಸ್ ಡ್ರೈವರ್ಗ್ ಒರರ್ದ್ ಒರಾನೆ ಲೋ ಬಿಪಿ ಆಯಿನೆರ್ದಾವರ ಬಸ್ ಅಂಕೆ ತತ್ತ್ದ್ ಸಾದಿ ಬರಿಟ್ ಉಂತಾದಿತ್ತಿನ ರಿಕ್ಷಾಗ್ ಎಡ್ತ್ದಿನ ನಡಕೆ ಉಚ್ಛಂಗಿ ಮಾರಿಯಮ್ಮ ದೇಲಂತಡೆದ ಕೈತಲ್ ಕೋಡೆ, ನವೆಂಬರ್ 20ದಾನಿ ನಡತ್ದ್ಂಡ್.
ಬಯ್ಯ ಸುಮಾರ್ 3 ಗಂಟೆಗ್ ಈ ನಡಕೆ ನಡತ್ದ್ಂಡ್. ರಿಕ್ಷಾ ಡ್ರೈವರ್ ತನ್ನ ಗಾಡಿನ್ ಸಾದಿ ಬರಿಟ್ ಉಂತಾದ್ ಉಲಯಿ ಕುಲ್ಲುದುಪ್ಪುನಗ, ಬಸ್ ಒರಾನೆ ಬತ್ತ್ದ್ ರಿಕ್ಷಾಗ್ ಎಡ್ತ್ದ್ಂಡ್.
ಈ ಎಡ್ತೆಡ್ ರಿಕ್ಷಾ ಡ್ರೈವರ್ಗ್ ತರೆ, ಕೈ ಬೊಕ್ಕ ಕಾರ್ಗ್ ಗಡಿಕುಲಾತ. ಒಟ್ಟುಗು, ಸಾದಿಡೆ ನಡತೊಂದು ಪೋವೊಂದಿತ್ತಿನ ಒರ್ತಿ ಪೊಣ್ಣಗ್ಲಾ ಕಿಞ್ಞ ಕಿಞ್ಞ ಗಡಿಕುಲಾತ. ಅಲ್ಪದಕುಲು ಅಪಗನೇ ಬಸ್ ಡ್ರೈವರ್ ಬೊಕ್ಕ ರಿಕ್ಷಾ ಡ್ರೈವರ್ ಇರ್ವೆರೆನ್ಲಾ ಆಸ್ಪತ್ರೆಗ್ ಲೆತೊಂದು ಪೋತೆರ್.
ನಡಕೆ ನಡತಿನ ಪೊರ್ತುಡು ಸಾದಿಡ್ ಮಲ್ಲ ಜನದಾಂತಿನೆರ್ದಾವರ ಮಲ್ಲ ದುರಂತ ತತ್ತ್ದ್ಂಡ್ ಪನ್ದ್ ಮುಟ್ಟದಕುಲು ಪನ್ತೆರ್. ಈ ಎಡ್ತೆಡ್ ರಡ್ಡ್ ಗಾಡಿಲೆನ ಎದುರು ಮೆಯಿ ಞಕ್ಕೆ ಆತ್ಂಡ್.