Last updated on November 21st, 2025 at 04:29 pm
ಬಂಟ್ವಾಳ, ನ. 21: ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನೊಡು ನವೆಂಬರ್ 24 ಬೊಕ್ಕ 25 ತಾರೀಕ್ಗ್ ವರ್ಸಾದಿದ ಕೋಲ ನಡಪರೆ ಉಂಡು.
ನ.24ನೇ ಸೋಮಾರ ಕಾಂಡೆ ಕೊಪ್ಪರಿಗೆ ಮೂರ್ತ, ತುಡರ್ ಅರ್ಲಾದ್ ಬೊಕ್ಕ ನಲಿಕೆ ಭಜನೆ ಕಾರ್ಯಕ್ರಮ ನಡಪರೆ ಉಂಡು. ಬಯ್ಯಡ್ ಕಟೀಲ್ ಮೇಳೊದಕುಲು ‘ಶ್ರೀ ದೇವಿ ಮಹಾತ್ಮೆ’ ಆಟ ಗೊಬ್ಬಾದ್ ತೂಪಾವೆರ್.
ನ.25ನೆ ಅಂಗಾರೆ ಕಾಂಡೆ ನವಕ ಕಲಶ ಪ್ರದಾನ, ಗಣಹೋಮ, ನಾಗ ತಂಬಿಲ, ಅನ್ನಸಂತರ್ಪಣೆ, ಮದ್ಯಾನರ್ದ್ ಬೊಕ್ಕ ಬೇತೆ ಬೇತೆ ಭಜನಾ ಕೂಟೊಲೆರ್ದೊ ಭಜನಾ ಸೇವೆ, ಬಯ್ಯಡ್ ಭಜನಾ ಸಂಕೀರ್ತನೆ, ಮೆರವಣಿಗೆ ನಡಪರೆ ಉಂಡು. ರಾತ್ರೆ 7 ಗಂಟೆರ್ದ್ ಸಾಂಸ್ಕೃತಿಕ ವೈವಿಧ್ಯ, ಪುತ್ತೂರು ಜಗದೀಶ್ ಆಚಾರ್ಯ ಬೊಕ್ಕ ಕೂಟದಕ್ಲೆರ್ದ್ ಸಂಗೀತ ಗಾನ ಸಂಭ್ರಮ, ಲಕುಮಿ ತಂಡದಕ್ಲೆರ್ದ್ ‘ಆಂಟಿ ಬೊಕ್ಕ ಅಂಕಲ್’ ತುಳು ನಾಟಕ ನಡಪರೆ ಉಂಡು. ರಾತ್ರೆ 10 ಗಂಟೆರ್ದ್ ಭಂಡಾರದಿಲ್ಲರ್ದ್ ದೈವಸ್ಥಾನೊಗು ಭಂಡಾರ ಬತ್ತ್ದ್ ರಾತ್ರೆ 12 ಗಂಟೆಗ್ ವರ್ಷಾಧಿದ ಕೋಲ ಸೇವೆ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.