Last updated on November 22nd, 2025 at 02:58 pm
ಒಡಿಪು, ನ. 22: ಮುಂಬೈನದ ಥಾಣೆಡ್ ಶುಕ್ರವಾರ ರಾತ್ರೆ ನಡತಿನ ಬೈಕ್ ಎಡ್ತೆಡ್ ಒಡಿಪು ಜಿಲ್ಲೆದ ಕಲ್ಮಾಡಿದ 25 ವರ್ಸ ಪ್ರಾಯೊದ ಜವನೆ ಒರಿ ತೀರ್ದೆರ್.
ತೀರ್ದಿನಾರೆನ್ ಒಡಿಪುದ ಕಲ್ಮಾಡಿ ನಿವಾಸಿ ಇನಿಶ್ ಲಸ್ರಾದೊ ಪನ್ದ್ ಗುರ್ತ ಪತ್ತ್ದೆರ್. ಮೇರ್ ಬೈಕ್ ಎಡ್ತೆಡ್ ಗಡಿಕುಲಾದ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಇನಿಶ್ ಮೇರ್ ಕರಿನ ಮೂಜಿ ವರ್ಸೊರ್ದಿಂಚಿ ಥಾಣೆದ ಎಮ್ಎನ್ಸಿ ಕಂಪೆನಿ ಒಂಜೆಟ್ ಬೇಲೆ ಮಲ್ತೊಂದಿತ್ತೆರ್. ಆರ್ ಕಲ್ಮಾಡಿ ಚರ್ಚ್ದ ಐಸಿವೈಎಂ ಘಟಕೊಡು ಅಂಚೆನೇ ಚರ್ಚ್ದ ಬೇತೆ ಬೇತೆ ಬೇಲೆಲೆಡ್ ಬಾರೀ ಉಮೇದ್ಡ್ ಪಾಲ್ಪಡೆಯೊಂದಿತ್ತೆರ್.
ಮೇರ್ ಅಮ್ಮೆರ್ ಅಪೊಲೊ, ಅಪ್ಪೆ ಐರೀನ್ ಬೊಕ್ಕ ತಂಗಡಿ ಅಶ್ವಿನಿ ಲಸ್ರಾದೋ ಮೊಕಲೆನ್ ಅಗತ್ದೆರ್.