Last updated on November 23rd, 2025 at 07:46 am
ಕುಡ್ಲ, ನ. 23: ಎಲ್ಯ ಪ್ರಾಯೊದ ಮೂಜರೆ ವರ್ಸೊದ ಎರ್ಲೆನ್ ಕಂಬುಲಡ್ ಗಿಡಪರೆ ಬಲ್ಲಿ ಪನ್ಪಿ ಕಾನೂನು ಪಾಲಿತೊಂದು, 24 ಗಂಟೆದುಲಯಿ ಕಂಬುಲ ಮುಗಿಪೊಡು ಪನ್ಪಿ ಕಂಡೀಷನ್ರ್ದಾವರ ಈ ಸರ್ತಿರ್ದ್ ಸಬ್ ಜೂನಿಯರ್ ವಿಭಾಗೊದ ಪಂತೊ ನಡಪುಜಿ ಪನ್ದ್ ರಾಜ್ಯ ಕಂಬುಲ ಅಸೋಸಿಯೇಶನ್ದ ಅಧ್ಯಕ್ಷೆ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ತೆರಿಪಾದೆರ್.
ಮಾಧ್ಯಮಗೋಷ್ಠಿಡ್ ಶುಕ್ರವಾರ ಈ ಒಲವು ಕೊರ್ನ ಆರ್, ಮೈಸೂರ್ಡ್ ಕಂಬುಲ ಮಲ್ಪೆರೆ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಕಂಬುಲ ಅಸೋಸಿಯೇಶನ್ಗ್ ಬಿನ್ನಪು ಮಲ್ತ್ದೆರ್. ಮುಲ್ಪದ ಕಂಬುಲಲು ಮುಗಿಬೊಕ್ಕ, ಬರ್ಪಿನ ಏಪ್ರಿಲ್ ಡ್ ಅಲ್ಪ ಕಂಬುಲ ಮಲ್ಪುನ ಬಗೆಟ್ ಚಿಂತನೆ ಮಲ್ತೊಂದುಲ್ಲ’ ಪನ್ದ್ ರಾಜ್ಯ ಕಂಬಳ ಅಸೋಸಿಯೇಶನ್ದ ಅಧ್ಯಕ್ಷೆ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ತೆರಿಪಾಯೆರ್.
ಕಂಬಳ ಸಮಿತಿದ ತಜ್ಞೆರ್ ಮೈಸೂರ್ಗ್ ಪೋದು, 10 ಎಕರೆ ಸರ್ಕಾರಿ ಜಾಗೆನ್ ಗೊತ್ತು ಮಲ್ತ್ದ್, ಅಲ್ಪ ಕರೆ ಕಟ್ಟೆರೆ ಅಂಚೆನೇ ಬೇತೆ ಅಗತ್ಯ ಸಲಹೆ ಸೂಚನೆಲೆನ್ ಕೊರ್ದು ಬತ್ತ್ದೆರ್. ‘ರಾಜ್ಯೊದ ವಾ ಭಾಗೊಡ್ಲಾ ಕಂಬುಲ ಮಲ್ಪೆರೆ ತಲೆಪು ಇಜ್ಜಿ’ ಪನ್ದ್ ಹೈಕೋರ್ಟ್ ಅಭಿಪ್ರಾಯ ಪನ್ತಿನೆರ್ದಾವರ ಕಂಬುಲ ಆಯೋಜನೆತ್ ತೊಂದರೆ ಆಪುಜಿ’ ಪನ್ದ್ ಪನ್ಡೆರ್.