Last updated on November 27th, 2025 at 07:46 pm
ಕಡಬ, ನ. 27: ಬೊಳ್ಳಿಬೊಲ್ಪು ತುಳುಕೂಟ ಸವಣೂರು ನೆತ್ತ ಮುತಾಲಿಕೆಡ್ ರಾಜ್ಯ ಪ್ರಶಸ್ತಿ ಪುರಸ್ಕೃತ ಸವಣೂರು ಯುವಕ ಮಂಡಲ ನೆತ್ತ ಸೇರಿಗೆಡ್ ಕಡಬ ತಾಲೂಕುದ ತುಳು ಗೊಬ್ಬುಲೆ ಪಂತೊ (ಲಗೋರಿ, ನೋಂಡಿ) ತೇದಿ 07-12-2025 ತಾನಿ
ಸವಣೂರ್ದ ಸರ್ಕಾರಿ ಪದವಿಪೂರ್ವ ಕಾಲೇಜ್ ಕ್ರೀಡಾಂಗಣೊಡು ನಡಪರೆಗುಂಡು.
ನೇತ್ರಾವತಿ ತುಳುಕೂಟ ರಾಮಕುಂಜ ನೆತ್ತ ಮುತಾಲಿಕೆಡ್, ತೆಗ್ರ್ ತುಳುಕೂಟ ನೂಜಿಬಾಳ್ತಿಲ ನೆತ್ತ ಆಶ್ರಯೊಡು ಕಡಬ ಕುಟ್ರುಪ್ಪಾಡಿ ಕೇಪು ಶ್ರೀಮಹಾಗಣಪತಿ ಲಕ್ಷ್ಮೀ ಜನಾರ್ದನ ಆಂಜನೇಯ ದೇಲಂತಡೆದ ಸಭಾಂಗೊಣಡ್ 21-12-2025 ಕ್ಕ್ ಕಡಬ ತಾಲೂಕ್ದ ಕಡೀರ ತುಳು ಸಮ್ಮೇಳನ ನಡಪರೆ ಉಂಡು. ಅಂಚಾದ್ ಬೊಳ್ಳಿಬೊಲ್ಪು ತುಳುಕೂಟ ಸವಣೂರು ಬುಕ್ಕ ರಾಜ್ಯ ಪ್ರಶಸ್ತಿ ಪುರಸ್ಕೃತ ಸವಣೂರು ಯುವಕ ಮಂಡಲದ ಆಶ್ರಯೊಡು ತಾರೀಕ್ 07.12.2025 ತ ಐತ್ತಾರ ಸವಣೂರು ಕಾಲೇಜ್ ಕ್ರೀಡಾಂಗಣೊಡು ಗ್ರಾಮೀಣ ತುಳು ಗೊಬ್ಬುದ ಪಂತೊ (ಲಗೋರಿ, ನೋಂಡಿ) ಆಣ್ಜೊವು ಪೊಣ್ಜೊವು ಲೆಗ್ ನಡೆಪರೆ ಉಂಡು. ಮಾಂತೆರ್ಲಾ ಬತ್ತ್ದ್, ಪಂತೊಡು ಪಾಲ್ಪಡೆದ್ ಗೆಂದಾದ್ ಕೊರೊಡು ಪನ್ದ್ ಸಂಘಟಕೆರ್ ತೆರಿಪಾದೆರ್.
ನಿಯಮೊ ಬುಕ್ಕ ಸೂಚನೆಲು
- ಈ ಪಂತೊಲು ಪ್ರಾಥಮಿಕ, ಪ್ರೌಢ, ಕಾಲೇಜ್ (ಪಿಯುಸಿ ಬೊಕ್ಕ ಡಿಗ್ರಿ ) ಅಂಚೆನೇ ಸಾರ್ವಜನಿಕ ಇಂಚ 4 ವಿಭಾಗೊಡ್ ನಡಪುಂಡು.
- ದುಂಬೆ ಪುದರ್ ಕೊರೊಡು.
- ಲಗೋರಿ ಸ್ಪರ್ಧೆಡ್ 7 ಜನ, ನೋಂಡಿ(ಟೊಂಕ) ಸ್ಪರ್ಧೆಡ್ 9 ಜನ ಬೋಡು.
- ಸ್ಪರ್ಧೆಲು ಕಾಂಡೆ 9:00 ಗಂಟೆಗ್ ಸರಿಯಾದ್ ಶುರುವಾಪ.
- ಸ್ಪರ್ಧಿಳು 03.12.2025 ಡ್ದ್ ದುಂಬು ಟೀಮ್ದ ಪುದರ್ ಕೊರೊಡು.
- ಕಡಬ ತಾಲೂಕ್ಗ್ ಸೇರ್ದಿನ ಶಾಲೆ/ಕಾಲೇಜ್/ಗ್ರಾಮಸ್ಥೆರೆಗ್ ಮಾತ್ರ ಅವಕಾಶ.
- ತೀರ್ಪುಗಾರೆರೆನ ತೀರ್ಮಾನೊನೇ ಅಕೇರಿ.
- ಗೌಜಿ ಗದ್ದಲ ಮಾಲ್ತಿ ತಂಡೊಗು ಗೊಬ್ಬರೆ ಅವಕಾಶ ಇಜ್ಜಿ.
ಲೆಪ್ಪು ಕೊರ್ಪಿ ಮೊಬೈಲ್ ನಂಬರ್: ಗಿರಿಶಂಕರ ಸುಲಾಯ ( 6364368713 , 9449389713 )