Last updated on December 2nd, 2025 at 08:35 am
ಒಡಿಪು, ಡಿ. 01: ಅಲೆವೂರುದ ಪ್ರಗತಿ ನಗರೊಡು ಐತಾರ ನುಂಗುದಿನ ಪಂತಿಗ್ ಸೂ ಬೂರ್ದು ಪ್ರೈವೇಟ್ ಶಾಲೆದ ಬಸ್ ಅಲಕ್ಕ ಪೊತ್ತುದು ಪೋತುಂಡು.
ಅಲೆವೂರು ಪ್ರಗತಿ ನಗರ ಡ್ ನುಂಗುದಿನ ಪಂತಿಗ್ ಸೂ ಪತೊಂದಿತ್ತ್ದ್, ಸೂ ರಪಕ್ಕ ಒರ್ಮೆಲಾ ಪಗರ್ದ್ಂಡ್. ಮುಟ್ಟಡೇ ಉಂತಾದಿತ್ತಿನ ಪ್ರೈವೇಟ್ ಶಾಲೆದ ಬಸ್ ಗ್ಲಾ ಸೂ ಪತೊಂದು ಪೊತ್ತುದ್ ಪೋತುಂಡು.
ಉಂದೆನ್ ತೂಯಿನ ಮುಟ್ಟದಕುಲು ಅಪಗನೇ ಅಗ್ನಿಶಾಮಕ ದಳೊಕು ಒಲವು ಕೊರ್ತೆರ್. ಜಾಗೆಗ್ ಬತ್ತಿನ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಸೂ ತೆಕ್ಕಾದೆರ್. ಜೋಕುಲೆನ್ ಇಲ್ಲಗ್ ಬುಡ್ದು ಬತ್ತ್ದ್ ಉಂತಾದಿತ್ತಿನೆರ್ದಾವರ, ಆ ಪೊರ್ತುಡು ಒವ್ವೇ ವಿದ್ಯಾರ್ಥಿಲು ಬಸ್ಸ್ದುಲಯಿ ಇಜ್ಜಂಡ್. ಅಂಚಾದ್ ಮಲ್ಲ ಅನಾಹುತ ಒಂಜಿ ತತ್ತ್ದ್ಂಡ್.