Last updated on December 4th, 2025 at 10:00 am
ಬೆಂಗಳೂರು, ಡಿ. 04: ಇಲ್ಲದಕ್ಲೆನ ವಿರೋಧೊದ ನಡುಟುಲಾ ಮೋಕೆ ಮಲ್ತ್ದ್ ಮದಿಮೆ ಆದಿತ್ತಿನ ಪೊಸಮದಿಮಾಲ್ ಒರ್ತಿ ಮೂಜೇ ತಿಂಗೊಲುಗು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬೆಂಗಳೂರ್ದ ಅಂದ್ರಹಳ್ಳಿದ ವಿದ್ಯಮಾನ್ಯ ನಗರೊಡು ನಡತ್ದ್ಂಡ್.
ಅಮೂಲ್ಯ (23) ಕಂಡನೆ ಅಭಿಷೇಕ್ನ ಇಲ್ಲಡ್ ಬಲ್ಲ್ ಪಾಡೊಂದಿನ ಪೊಣ್ಣು. ಅಮೂಲ್ಯ-ಅಭಿಷೇಕ್ ನ ಮೋಕೆಗ್ ಇಲ್ಲದಕ್ಲೆನ ವಿರೋಧ ಇತ್ತ್ಂಡ್. ಕಡೆಕ್ ಎಂಚಾಂಡಲಾ ಇರ್ವೆರ್ಲಾ ಇಲ್ಲದಕ್ಲೆನ್ ಒಪ್ಯಾದ್ ಮೂಜಿ ತಿಂಗೊಲುಗು ದುಂಬು ಮದಿಮೆ ಆತೆರ್. ಇತ್ತೆ ಪೊಸ ಮದಿಮಾಲ್ ಜೂವ ಗೆತ್ತೊಂದಿನ ಅನುಮಾನ ಉಂಡು ಮಲ್ದ್ಂಡ್.
ತೀರ್ದಿನ ಅಮೂಲ್ಯನ ಇಲ್ಲದಕುಲು ಮಗಲ್ ಸಯ್ಯೆರ ಕಂಡನೆ ಅಭಿಷೇಕ್ ನೆವನ ಪನ್ದ್ ಆರೋಪ ಮಲ್ತ್ದೆರ್. ಕಂಡನ್ಯಗ್ ಬೊಡೆದಿನ ಮಿತ್ತ್ ಅನುಮಾನ ಇತ್ತ್ಂಡ್, ಏರೆನ ಒಟ್ಟುಗುಲಾ ಪಾತೆರ್ಯೆರೆ ಬುಡೊಂದಿಜ್ಜಂಡ್. ಅಟಿಲ್ ಮಲ್ಪೆರೆ ಬರ್ಪುಜಿ ಪನ್ದ್ ಕಿರುಕುಳ ಕೊರೊಂದಿತ್ತೆರ್. ಅಕುಲೇ ಆಕ್ದ್ ಕೆರ್ತೆರ್ ಪನ್ದ್ಲಾ ಆರೋಪ ಮಲ್ತ್ದೆರ್.
ನಡಕೆದ ಬಗೆಟ್ ತೆರಿನನೇ ಬ್ಯಾಡರಹಳ್ಳಿ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್. ಬೊಕ್ಕ ಕಂಡನೆ ಅಭಿಷೇಕ್ನ್ ವಶೊಕು ಗೆತೊಂದು ವಿಚಾರಣೆ ಮಲ್ತ್ದೆರ್. ಆತ್ಮಹತ್ಯೆಗ್ ಪತ್ತ ನೆವನ ನನ ತೆರಿದ್ ಬರೊಡಾತೆ.