Last updated on December 9th, 2025 at 11:11 am
ಸುಳ್ಯ, ಡಿ. 09: ಆತ್ಮಹತ್ಯೆ ಮಲ್ತೊನರೆ ತೂದು ಉರ್ಲು ಪಾಡೊಂದು ಲಾಗಿನಗ ಕೇಬಲ್ ಕಡಿದ್ ತಿರ್ತ್ ಬೂರ್ದು ತರೆಕ್ ಗಾತಿದ ಗಡಿಯಾದ್, ಆಸ್ಪತ್ರೆಡ್ ಮರ್ದ್ ನಡತೊಂದಿತ್ತಿನ ಆಂಜೊವು ಮರ್ದ್ ಪಲಿಪಂದೆ ತೀರ್ದಿನ ನಡಕೆ ಕಲ್ಲ್ಗುಂಡಿಡ್ ನಡತ್ದ್ಂಡ್.
ಕಲ್ಲ್ಗುಂಡಿ ಕೂಲಿಶೆಡ್ ಕೈತಲ್ ಪಾಕ ವರ್ಸೊರ್ದಿಂಚಿ ಹೋಟೆಲ್ ಕಾರ್ಮಿಕೆ ಆದ್ ಬೆನೊಂದಿತ್ತಿನ ಐವರ್ನಾಡ್ ಗ್ರಾಮೊದ ಮಾಧವ (60)ಪನ್ಪಿನಾರ್ ಆರೆನ ಬಾಡಾಯಿದ ಇಲ್ಲಡ್ ಡಿ. 5ತಾನಿ ಆತ್ಮಹತ್ಯೆ ಮಲ್ತೊನ್ರ ಕೇಬಲ್ಡ್ ಉರ್ಲು ಪಾಡೊಂದು ತಿರ್ತ್ ಲಾಗಿನಗ ಕೇಬಲ್ ಕಡಿದ್ ನೆಲಕ್ ಬೂರ್ದ್ ತರೆಕ್ ಗಾತಿದ ಗಡಿಯಾದಿತ್ತ್ಂಡ್.
ಆರೆಗ್ ಸುಳ್ಯದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದಿತ್ತ್ಂಡ್. ಆಸ್ಪತ್ರೆಡ್ ಮರ್ದ್ ಪಲಿಪಂದೆ ಸೋಮಾರ ತೀರ್ಯೆರ್. ಸುಳ್ಯ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.