Last updated on November 20th, 2026 at 11:21 am
ಬೆರ್ಮಾವರ, ನ.20: ಸಾಲಿಗ್ರಾಮೊದ ತನ್ನ ಕಚೇರಿಡ್ ಕುಲ್ಲುದುಪ್ಪುನಗ 50 ವರ್ಸ ಪ್ರಾಯೊದ ಸಂಖ್ಯಾಶಾಸ್ತ್ರಜ್ಞೆ ಒರಿ ಹಾರ್ಟ್ ಅಟ್ಯಾಕ್ ಆದ್ ನವೆಂಬರ್ 19, ಗುರುವಾರ ದಾನಿ ತೀರ್ಯೇರ್.

ತೀರ್ದಿನಾರೆನ್ ಚೆಂಪಿ ನಿವಾಸಿ ದಿನೇಶ್ ಹೊಳ್ಳ ಸಿ ಪನ್ದ್ ಗುರ್ತ ಪತ್ತ್ದೆರ್.
ದಿನೇಶ್ ಹೊಳ್ಳ ಏಪೊಲ್ದಲೆಕ ಕಾಂಡೆ ಸಾಲಿಗ್ರಾಮೊದ ತನ್ನ ಕಚೇರಿಗ್ ಬತ್ತ್ದ್ ಬೇಲೆ ಸುರು ಮಲ್ತಿತ್ತೆರ್. ಒಂತೆ ಪೊರ್ತು ಕರಿದ್, ಗುರ್ತದಾರ್ ಒರಿ ಕಚೇರಿಗ್ ಬನ್ನಗ, ದಿನೇಶ್ ಆರೆನ ಟೇಬಲ್ದ ಮಿತ್ತ್ ಬೂರ್ದಿನ ಸ್ಥಿತಿಟ್ ಇತ್ತೆರ್.
ಕೈತಲ್ದಕಲೆನ ಸಕಾಯೊಡು ಆರೆನ್ ಅಪಗನೇ ಬೆರ್ಮಾವರದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ, ಆಸ್ಪತ್ರೆ ಎತ್ತುನ ಪೊರ್ತುಗು ಆರ್ ತೀರ್ದಿತ್ತೆರ್. ಪ್ರಾಥಮಿಕ ಸೂಚನೆಲೆನ ಪ್ರಕಾರ ಆರ್ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಈ ಬಗೆಟ್ ಕೋಟ ಪೊಲೀಸ್ ಸ್ಟೇಶನ್ಡ್ ಅಸಹಜ ಸಾವು ಪ್ರಕರಣ ದಾಕಲಾತ್ಂಡ್.