ನೇರಳಕಟ್ಟೆ: ಲಾರಿ ಎಡ್ತ್‌ದ್ ಸಾದಿ ಕಡತೊಂದಿತ್ತಿನ 14 ವರ್ಸ ಪ್ರಾಯೊದ ಪೊಣ್ಣು ಬಾಲೆ ತೀರ್ಯಲ್

Last updated on November 19th, 2026 at 05:25 pm

ಇಟ್ಟೆಲ್, ನ. 19: ಸಾದಿ ಕಡತೊಂದುಪ್ಪುನಗ ಬೀಸಡ್ ಬತ್ತಿನ ಒಂಜಿ ಲಾರಿ ಎಡ್ತಿನೆರ್ದಾವರ 14 ವರ್ಸ ಪ್ರಾಯೊದ ಬಾಲೆ ಒರ್ತಿ ಅಲ್ಪನೇ ತೀರ್ದಿನ ನಡಪು ಮಾಣಿ – ಮೈಸೂರು ಪೆರ್ಸಾದಿದ ನೇರಳಕಟ್ಟೆ ಪನ್ಪಿನಲ್ಪ ನಡತ್‌ದ್ಂಡ್.

ತೀರ್ದಿನ ಪೊಣ್ಣನ್ ನೆಟ್ಲಮುಳ್ಳೂರು ನಿವಾಸಿ ಫಾತಿಮಾ ಇಝಾ ಇಲ್ಯಾಸ್ (14) ಪನ್ದ್ ಗುರ್ತ ಪತ್ತ್‌ದೆರ್. ಮೋಲು ಕಂಬಳಬೊಟ್ಟು ಶಾಲೆಡ್ ಕಲ್ತೊಂದಿತ್ತಲ್ ಪನ್ದ್ ತೆರಿದ್ ಬೈದ್ಂಡ್.

ಪೊಣ್ಣು ಸಾದಿ ಕಡಪುನಗ ಲಾರಿ ಎಡ್ತ್‌ದ್ಂಡ್‌ಗೆ. ಎಡ್ತಿನ ಬರಸ್‌ಗ್ ಬಾಲೆ ಸಾದಿಗ್ ರಟ್ಟ್‌ದ್ ಗಾತಿದ ಗಡಿಕುಲಾದ್ ಅಲ್ಪನೇ ತೀರ್ದಲ್.

ನಡಪುದ ಒಲವು ತಿಕ್ಕಿನೇ ಇಟ್ಟೆಲ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್. ಈ ಬಗೆಟ್ ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.

Leave a Reply

Your email address will not be published. Required fields are marked *

Share
error: Content is protected !!