Last updated on December 10th, 2025 at 10:44 am
ಬಂಟ್ವಾಳ, ಡಿ. 10: ಬೆಂಗಳೂರ್ದ ಕೂಡ್ಲು ಗೇಟ್ ಕೈತಲ್ ನಡತಿನ ಭೀಕರ ಎಡ್ತೆಡ್ ಬಂಟ್ವಾಳದ ಜವನೆ ಒರಿ ತೀರ್ದಿನ ನಡಕೆ ಕೋಡೆ, ಅಂಗಾರೆ ನಡತ್ದ್ಂಡ್.
ತೀರ್ದಿನಾರೆನ್ ಬಂಟ್ವಾಳ ತಾಲೂಕ್ದ ಅಜಿಲಮೊಗೇರ್ ಮುಟ್ಟದ ಅಲ್ಲಿಪಾದೆ ಪನ್ಪಿನಲ್ಪದ ಜವನೆ ಮುಹಮ್ಮದ್ ಹಾರಿಸ್ (34) ಪನ್ದ್ ಗುರ್ತ ಪತ್ತ್ದೆರ್. ಮುಹಮ್ಮದ್ ಹಾರಿಸ್ ಬೆಂಗಳೂರ್ದ ಏಸಿ ಕಂಪೆನಿ ಒಂಜೆಟ್ ಮೆಕ್ಯಾನಿಕ್ ಬೇಲೆ ಮಲ್ತೊಂದಿತ್ತ್ದ್, ಬೇಲೆದ ಮಿತ್ತ್ ಕೋಡೆ ತನ್ನ ಒಟ್ಟುಗು ಬೇಲೆ ಮಲ್ಪುನಾರೆನೊಟ್ಟುಗು ಬೈಕ್ಡ್ ಪೋವೊಂದುಪ್ಪುನಗ ಗೂಡ್ಸ್ ಗಾಡಿ ಪಿರವುರ್ದ್ ಎಡ್ತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಎಡ್ತೆದ ಬರಸ್ಗ್ ಗಾತಿದ ಗಡಿಯಾತಿನ ಹಾರಿಸ್ ಅಲ್ಪನೇ ತೀರ್ದೆರ್.
ಬೈಕ್ಡ್ ಪಿರವುಡು ಕುಲ್ದಿತ್ತಿನಾರೆಗ್ಲಾ ಗಾತಿದ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್.
ಈ ಬಗೆಟ್ ಎಚ್ ಎಸ್ ಆರ್ ಟ್ರಾಫಿಕ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.