Last updated on December 12th, 2025 at 08:57 am
ಬೆಂಗಳೂರು, ಡಿ. 12: ಎಂಬಿಎ ಕಲ್ತೊಂದಿತ್ತಿನ ಕೇರಳ ಮೂಲೊದ ಜವನೆ ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬೆಂಗಳೂರುದ ಹೆಸರಘಟ್ಟ ರೋಡ್ದ ಶಾಂತಿನಗರೊಡು ನಡತ್ದ್ಂಡ್.
ತೀರ್ದಿನಾರೆನ್ ಕೇರಳ ಮೂಲೊದ ಜಗನ್ ಮೋಹನ್ (25) ಪನ್ದ್ ಗುರ್ತ ಪತ್ತ್ದೆರ್. ಜವನೆ ಕಾಲೇಜ್ದ ಕೈತಲ್ ಶಾಂತಿನಗರಡ್ ಬಾಡಾಯಿದ ಅದೆಟ್ ಇತ್ತ್ದ್, ಅವ್ವೇ ಅದೆಟ್ ಡೆತ್ನೋಟ್ ಬರೆದ್ ದೀದ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆ. ವಿಡಿಯೋ ಕಾಲ್ ಟಾರ್ಚರ್ಗ್ ಪೋಡಿದ್ ಆತ್ಮಹತ್ಯೆ ಮಲ್ತೊಂದೆ ಪನ್ದ್ ತೆರಿದ್ ಬೈದ್ಂಡ್.
ಅಲ್ಪ ತಿಕ್ಕಿನ ಡೆತ್ನೋಟ್ಡ್ ತೀರ್ದಿನ ಜವನೆ ಮೂಜಿ ನಂಬರ್ ಬರೆದ್ ದೀತೆ. ಪರಿಶೀಲನೆ ಮಲ್ಪುನಗ ಫೇಕ್ ವಿಡಿಯೋ ಕಾಲ್ಡ್ ಕಾಸ್ ಕಲೆವೊಂದಿನ ಬಗೆಟ್ ಪೊಲೀಸೆರೆಗ್ ಒಲವು ತಿಕ್ಕ್ದಿತ್ತ್ದ್, 25,000 ರೂ. ಕಡಪುಡ್ದಿನ ತೆರಿದ್ ಬೈದ್ಂಡ್. ಒಟ್ಟುಗು ಉರ್ಬುಲಿ ಫೋಟೋ ಬೊಕ್ಕ ವಿಡಿಯೋ ವೈರಲ್ ಮಲ್ಪುವ ಪನ್ದ್ ಪೋಡಿಕಟ್ಟಾಯಿನೆಕ್ ಆತ್ಮಹತ್ಯೆ ಮಲ್ತೊಂದುಪ್ಪೊಡು ಪನ್ದ್ ತೆರಿದ್ ಬೈದ್ಂಡ್.