Last updated on December 11th, 2025 at 04:53 pm
ಬೆಂಗಳೂರು (ಡಿ. 11): ಮೊಬೈಲ್ ಗಲಸುನಕುಲು ಕುಡೊರ ಫೈನಾನ್ಸಿಯಲ್ ಇನ್ಫ್ಲೇಷನ್ರ್ದಾವರ ಬಂಙಗ್ ಬೂರ್ದೆರ್. ಇಂಚಿಪ, ಜಿಯೋ (Reliance Jio) ಬುಡ್ದು ಮಾತಾ ಕಂಪೆನಿಲು ತನ್ಕುಲೆ ಪ್ಲಾನ್ಲೆನ್ ಎಚ್ಚ ಮಲ್ತ್ದ, ಇತ್ತೆ ಐಕ್ಲೆನ ರೇಟ್ ನನಲಾ ಎಚ್ಚ ಆವರೆ ಉಂಡು. ಮಾಧ್ಯಮ ವರದಿಲೆನ ಪ್ರಕಾರ, ನನದ ಕೆಲ ವಾರೊಲೆಡ್, ಸರ್ಕಾರಿ ಸ್ವಾಮ್ಯೊದ ಬಿಎಸ್ಎನ್ಎಲ್, ಜಿಯೋ, ಏರ್ಟೆಲ್ ಬೊಕ್ಕ ವೊಡಾಫೋನ್ ಐಡಿಯಾ (ವಿ) ರೇಟ್ ಎಚ್ಚ ಮಲ್ಪರೆಗುಲ್ಲ. ನನ ಒಂತೆ ದಿನೊಟೇ ರೀಚಾರ್ಜ್ ಪ್ಲಾನ್ಲೆಗ್ ನಿಕುಲು ಎಚ್ಚ ಕರ್ಚಿ ಮಲ್ಪೊಡಾದ್ ಬರ್ಪುಂಡು.
ಕರಿನ ಕೆಲ ತಿಂಗೊಲುರ್ದಿಂಚಿ ಟೆಲಿಕಾಂ ಕಂಪೆನಿಲೆನ ಆದಾಯ ಕುಂದೊಂದುಂಡು. ಮಾಧ್ಯಮ ವರದಿಲೆನ ಪ್ರಕಾರ, ಕಂಪೆನಿಲೆನ ಆದಾಯ ಸೆಪ್ಟೆಂಬರ್ ತ್ರೈಮಾಸಿಕಡ್ ಶೇ. 10 ಕ್ಕ್ ಜತ್ತ್ದ್ಂಡ್, ದುಂಬುದ ನಾಲ್ ತ್ರೈಮಾಸಿಕೊಲೆಡ್ ಊಂದು ಶೇ. 14-16 ದಾತ್ ಇತ್ತ್ಂಡ್. ಡಿಸೆಂಬರ್ ತ್ರೈಮಾಸಿಕೊಡು ಆದಾಯ ನನಲಾತ್ ಕಮ್ಮಿ ಆಪಿನ ಅಂದಾಜಿ ಇತ್ತ್ದ್, ಕಂಪೆನಿಲು ರೇಟ್ ಎಚ್ಚ ಮಲ್ಪರೆ ಒತ್ತಾಯ ಮಲ್ತೊಂದುಲ್ಲ.
ರೀಚಾರ್ಜ್ ಯೋಜನೆಲು ಏತ್ ಪಿರಿಯ ಆಪ?
ಒಟ್ಟಾರೆ ಸುಂಕೊಲು ಶೇಕಡಾ 15 ದಾತ್ ಎಚ್ಚ ಆವು ಪನ್ಪಿ ಅಂದಾಜಿ ಉಂಡು. ಇಟಿ ಟೆಲಿಕಾಂ ವರದಿದ ಪ್ರಕಾರ, ಉಂತಂದಿನ ಇನ್ಫ್ಲೇಷನ್ ಬೊಕ್ಕ ನನದ ಕೆಲ ತಿಂಗೊಲುಲೆಡ್ ಮಲ್ಲ ಎಲೆಕ್ಷನ್ ಒವ್ಲಾ ಇಜ್ಜಂದಿನೆರ್ದಾವರ, ಟೆಲಿಕಾಂ ಕಂಪೆನಿಲು ಡಿಸೆಂಬರ್ಡ್ ರೇಟ್ ಎಚ್ಚ ಮಲ್ಪ ಪನ್ದ್ ಬ್ರೋಕರೇಜ್ ಸಂಸ್ಥೆ ಮೋತಿಲಾಲ್ ಓಸ್ವಾಲ್ ಪನ್ತ್ಂಡ್. ಅಂಚಾದ್, 28 ದಿನೊತ ಪ್ಲಾನ್ ಸುಮಾರ್ ₹50 ದಾತ್ ಪಿರಿಯ ಆವು.
ಈ ಕಂಪೆನಿಲು ರೇಟ್ ಎಚ್ಚ ಮಲ್ತ್ದ್ ಆತ್ಂಡ್
ಕರಿನ ತಿಂಗೊಲು, ವಿಐ ತನ್ನ ₹1,999 ವಾರ್ಷಿಕ ಪ್ಲಾನ್ದ ರೇಟ್ನ್ ಶೇಕಡಾ 12 ದಾತ್ ಬೊಕ್ಕ ಅವೆತ 84 ದಿನೊತ ಪ್ಲಾನ್ದ ರೇಟ್ನ್ ಶೇಕಡಾ 7 ದಾತ್ ಎಚ್ಚ ಮಲ್ದ್ಂಡ್. ಅಂಚೆನೇ, ಭಾರ್ತಿ ಏರ್ಟೆಲ್ ತನ್ನ ಕಮ್ಮಿದ ವಾಯ್ಸ್ ಓನ್ಲಿ ಪ್ಲಾನ್ನ್ ₹189 ರ್ದ್ ₹199 ಗ್ ಏರಾದ್ಂಡ್. ಸರ್ಕಾರಿ ಸ್ವಾಮ್ಯೊದ ಬಿಎಸ್ಎನ್ಎಲ್ ಲಾ ಇಂಚೆನೇ ಮಲ್ದ್ಂಡ್.