Last updated on December 13th, 2025 at 02:34 pm
ಸುಳ್ಯ, ಡಿ. 13: ಮೈಸೂರ್ ಕೈತಲ್ದ ಮಳವಳ್ಳಿಡ್ ಶುಕ್ರವಾರ ಕಾಂಡೆ ಗಾಡಿ ಒಂಜಿ ಬೈಕ್ಗ್ ಎಡ್ತಿನೆರ್ದಾವರ ಸುಳ್ಯದ ಜವನೆ ಒರಿ ತೀರ್ದೆರ್.
ತೀರ್ದಿನಾರೆನ್ ಸುಳ್ಯದ ಉಬರಡ್ಕ ಮಿತ್ತೂರು ಗ್ರಾಮೊದ ಕಲ್ತಾರ್ ನಿವಾಸಿ ಶೇಷಪ್ಪ ನಾಯಕ್ ಮೆರೆನ ಮಗೆ ದೀಕ್ಷಿತ್ (25) ಪನ್ದ್ ಗುರ್ತ ಪತ್ತ್ದೆರ್. ದೀಕ್ಷಿತ್ ಬೆಂಗಳೂರ್ಡ್ ಪ್ರೈವೇಟ್ ಕಂಪೆನಿಡ್ ಬೇಲೆ ಮಲ್ತೊಂದಿತ್ತ್ದ್, ಬೆಂಗಳೂರ್ರ್ದೊ ಕಂದಡ್ಕದ ಕಲ್ತಾರ್ಡ್ ಇಪ್ಪುನ ತನ್ನ ಊರ್ಗ್ ಬೈಕ್ಡ್ ಬರೊಂದಿತ್ತೆರ್. ಮೈಸೂರ್ಗ್ ಮುಟ್ಟದ ಮಳವಳ್ಳಿ ಕೈತಲ್ ಆರ್ ಬುಡೊಂದಿತ್ತಿನ ಬೈಕ್ಗ್, ಒಂಜಿ ಗಾಡಿ ಎಡ್ತ್ದ್ ಅಲ್ಪರ್ದ್ ಪದ್ರಾಡಾತ್ಂಡ್.
ಎಡ್ತೆಡ್ ದೀಕ್ಷಿತ್ ಮೆರೆಗ್ ಗಾತಿದ ಗಡಿಕುಲಾದಿತ್ತ್ದ್, ಮುಟ್ಟದಕುಲು ಆರೆನ್ ಕೈತಲ್ದ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟೇ ಆರ್ ತೀರ್ದೆರ್.