Last updated on December 18th, 2025 at 09:42 am
ಬೊಲ್ತೇರ್, ಡಿ. 18: ಧರ್ಮಸ್ಥಳಡ್ ಪುನ ಕೌಂತಿನ ಪ್ರಕರಣೊಗು ಸಂಬಂಧಿತ್ದ್ ಒಯಿಲ್ ಬರೆಪಾಯೆರೆ ಬತ್ತ್ದ್ ಬೊಕ್ಕ ಕಲು ಸಾಕ್ಷಿ ಪ್ರಕರಣೊಡು ಕರ್ಪಿಲ್ಲ್ ಸೇರ್ದಿತ್ತಿನ ಆರೋಪಿ ಚಿನ್ನಯ್ಯಗ್ ಇತ್ತೆ ಬುಡುಗಡೆ ಭಾಗ್ಯ ತಿಕ್ಕ್ದ್ಂಡ್. ಮಂಗಳೂರು ಜಿಲ್ಲಾ ಕೋರ್ಟ್ ನವೆಂಬರ್ 24ರ್ದ್ 12 ಕಂಡೀಷನ್ ಪಾಡ್ದ್ ಜಾಮೀನ್ ಮಂಜೂರ್ ಮಲ್ತಿತ್ತ್ಂಡಲಾ ಬಾಂಡ್ ಬೊಕ್ಕ ರ್ವೆರ್ ಜಾಮೀನ್ ಕೊರ್ಪುನಕ್ಲು ದಾಂತಿನೆರ್ದಾವರ 23 ದಿನೊರ್ದು ಕರ್ಪಿಲ್ಲ್ಡೇ ಇಪ್ಪೊಡಾದ್ ಬತ್ತಿತ್ತ್ಂಡ್. ಇತ್ತೆ ಒಂಜಿ ಲಕ್ಷ ಬಾಂಡ್, ಇರ್ವೆರ್ ಜಾಮೀನ್ದಾರೆರೆರ್ದ್ ಬೊಲ್ತೇರ್ ಕೋರ್ಟ್ಗ್ ಶ್ಯೂರಿಟಿ ಕೊರ್ತೆರ್. ಅಂಚಾದ್ ಆರೋಪಿ ಬುರುಡೆ ಚಿನ್ನಯ್ಯಗ್ ಬುಡುಗಡೆ ಭಾಗ್ಯ ತಿಕ್ಕ್ದ್ಂಡ್.
ಆರೋಪಿ ಚಿನ್ನಯ್ಯಗ್ ಸಕಾಯ ಮಲ್ಪೆರೆ ಬೊಡೆದಿ ಮಲ್ಲಿಕಾ ಬೊಲ್ತೇರ್ ಪ್ರಧಾನ ಪೆರಿಯ ವ್ಯವಹಾರಿಕ ನ್ಯಾಯಂತಡೆಕ್ ಡಿ.17 ತಾನಿ ಒಂಜಿ ಲಕ್ಷದ ಬಾಂಡ್ ಕೊರ್ಯೆರ ಅಂಚೆನೇ ಇರ್ವೆರ್ ಜಾಮೀನ್ ಉಂತುನಕ್ಲೆನ್ ಲೆಒಂದು ಬತ್ತ್ದ್ ಕಾನೂನು ಪಕ್ರಿಯೆ ಮುಗಿತ್ದ್ ಶಿವಮೊಗ್ಗ ಕರ್ಪಿಲ್ಲ್ದಂಚಿ ಪೋತೆರ್.
ಬೊಲ್ತೇರ್ ನ್ಯಾಯಂತಡೆಡ್ ಬುಡುಗಡೆ ಆದೇಶ ಪತ್ರ ಮೇಲ್ ಮುಕೇನ ಶಿವಮೊಗ್ಗ ಜೈಲ್ಗ್ ಎತ್ತಿ ಬೊಕ್ಕ ಜೈಲ್ರ್ದ್ ಚಿನ್ನಯ್ಯೆ ಇನಿ ಡಿ.18 ದಾನಿ ಕಾಂಡೆ ಬುಡುಗಡೆ ಆತೆ ಪನ್ದ್ ಮೂಲೊಲೆರ್ದ್ ಒಲವು ತಿಕ್ಕ್ದ್ಂಡ್.