Last updated on December 26th, 2025 at 08:20 am
ಒಡಿಪು, ಡಿ. 26: ಕಮ್ಮಿ ರೇಟ್ಗ್ ಬಂಗಾರ್ ಕೊರ್ಪೆ ಪನ್ದ್ ನಂಬಾದ್ ಲಕ್ಷಗಟ್ಲೆ ರೂ. ದಗೆ ಮಲ್ತಿನ ಆರೋಪಿನ್ ಪೊಲೀಸೆರ್ ಪತ್ತ್ದೆರ್. ಚಿತ್ರದುರ್ಗ ಜಿಲ್ಲೆದ ಜಯಪ್ರಕಾಶ್ ಡಿ. ಕೈದಾತಿನ ಆರೋಪಿ. ಸಿದ್ದಾಪುರೊದ ಕಮಲಶಿಲೆ ಸಾದಿಡ್ ಆರೋಪಿ ರಾಯಚೂರ್ದ ಗೋಪಾಲ ಪನ್ಪಿನಾರೆಗ್ 150 ಗ್ರಾಂ ಬಂಗಾರ್ ಪನ್ದ್ 5 ಲಕ್ಷ ಗೆತೊಂದು ಡೂಪ್ಲಿಕೇಟ್ ಬಂಗಾರ್ ಕೊರ್ದು ಪದ್ರಾಡಾದಿತ್ತೆ.
ಈ ಬಗೆಟ್ ಶಂಕರನಾರಾಯಣ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಜಡ್ತೆ ಮಲ್ತಿನ ಪೊಲೀಸೆರ್ ಆರೋಪಿನ್ ಪತ್ತ್ದ್ ಆಯರ್ದ್ 4,50,000 ರೂ. ಕಾಸ್ ಬೊಕ್ಕ ಕೃತ್ಯೊಗು ಗಲಸ್ದಿನ ಸುಮಾರ್ 10,00,000 ರೂ. ಮೌಲ್ಯೊದ ಕಾರ್ನ್ ವಶೊಕು ಗೆತೊಂದು ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್.