Last updated on January 6th, 2026 at 12:56 pm
ಒಡಿಪು, ಜ. 06 ಒಡಿಪು ಶ್ರೀಕೃಷ್ಣ ಮಠೊತ ಭಕ್ತೆ ಒರಿ ಬಂಗಾರ್ದ ಭಗವದ್ಗೀತೆ ಅರ್ಪಣೆ ಮಲ್ಪೆರ ಪಿದಡ್ದೆರ್. ಈ ವಿಶಿಷ್ಟ ಸಮರ್ಪಣೆ ಜನವರಿ 8ದಾನಿ ನಡಪುನ ವಿಶ್ವಗೀತಾ ಪರ್ಯಾಯ ಸಮಾರೋಪ ವಿಶೇಷ ಕಾರ್ಯಕ್ರಮೊಟು ಸಿರಿಕಿಟ್ಣನ ಸನ್ನಿಧಿಡ್ ಲೋಕಾರ್ಪಣೆ ಆವರೆ ಉಂಡು.
ದೆಲ್ಲಿದ ಭಕ್ತೆ ಒರಿ ಸುಮಾರ್ 2 ಕೋಟಿ ರೂ. ಕರ್ಚಿಡ್ ಈ ಬಂಗಾರ್ದ ಭಗವದ್ಗೀತೆನ್ ಮಲ್ಪಾದೆರ್. ಶುದ್ಧ ಬಂಗಾರ್ದ ಪಾಲೆಡ್ ಭಗವದ್ಗೀತೆದ 18 ಅಧ್ಯಾಯೊಲೆನ 700 ಶ್ಲೋಕೊಲೆನ್ ಸೂಕ್ಷ್ಮವಾದ್ ಅಚ್ಚಿ ಮಲ್ತಿತ್ತ್ದ್, ಉಂದು ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ದೃಷ್ಟಿಡ್ ಬಾರೀ ಅಪರೂಪೊದ ಕೃತಿ ಆದುಂಡು. ಭಗವದ್ಗೀತೆದ ಈ ಬಂಗಾರ್ದ ಒರುನು ವಿಶೇಷವಾದ್ ಮಲ್ದಿನ ಬಂಗಾರ್ದ ತೇರ್ಡ್ ಮೆರವಣಿಗೆ ಮಲ್ತ್ದ್ ಶ್ರೀಕೃಷ್ಣಗ್ ಅರ್ಪಣೆ ಮಲ್ಪೆರ ಉಲ್ಲೆರ್.