Last updated on January 7th, 2026 at 11:15 am
ಕೋಟ: ಸ್ವಾಮಿ ವಿವೇಕಾನಂದೆರೆನ ವ್ಯಕ್ತಿತ್ವ ನಿರ್ಮಾಣ ಬೊಕ್ಕ ರಾಷ್ಟೋದ್ಧಾರೊದ ಕನೊನು ನಿಜ ಮಲ್ಪಿ ದಿಟ್ಟಿಡ್ ಕರಿನ ಸುಮಾರ್ ಐವ ವರ್ಸೊರ್ದಿಂಚಿ ಡಿವೈನ್ ಪಾರ್ಕ್ ಮುಕೇನ ಬೆನೊಂದಿತ್ತಿನ ಸಾಲಿಗ್ರಾಮ ಡಿವೈನ್ ಪಾರ್ಕ್ ಸಂಸ್ಥಾಪಕೆ ಎ.ಚಂದ್ರಶೇಖರ್ ಉಡುಪ (75) ಹಾರ್ಟ್ ಅಟ್ಯಾಕ್ ಆದ್ ಇನಿ ಜ.7 ತ ಕಾಂಡೆ ತೀರ್ಯೆರ್.
ಡಿವೈನ್ ಪಾರ್ಕ್ ಮುಕೇನ ಪಾಕ ಸೇವಾ ಚಟುವಟಿಕೆಲೆನ್ ನಡಪಾವೊಂದು ಬೈದಿನ ಮೇರ್ ಕಸುಬುಡು ಬೈದ್ಯೆರಾದಿತ್ತೆರ್. ಎಲ್ಪದ ದಶಕೊಡು ಮೆಡಿಕಲ್ ಕಲ್ಪುನಗ ವಿವೇಕಾನಂದೆರೆ ಚಿಂತನೆಲೆನ ಒಯಿಲ್ಗ್ ಬೂರ್ದ್ ಬೊಕ್ಕ ಡಿವೈನ್ ಪಾರ್ಕ್ ಪನ್ಪಿ ಸಂಸ್ಥೆನ್ ಆರೋಗ್ಯ ಬೊಕ್ಕ ಅಧ್ಯಾತ್ಮೊದ ಚಿಂತನೆಡ್ ಸಮಾಜೊಗು ಬೊಕ್ಕ ರಾಷ್ಟ್ರೊಗು ಎಡ್ಡೆ ಮಲ್ಪಿ ದಿಟ್ಟಿಡ್ ಸುರು ಮಲ್ತ್ದ್ ಸೇವೆ ಸಂದಾವೊಂದಿತ್ತ್ದ್, ಲಕ್ಷಗಟ್ಲೆ ಜನ ದೇಶ-ವಿದೇಶೊಡು ಮೆರೆನ ಭಕ್ತೆರ್, ಅನುಯಾಯಿಲು ಉಲ್ಲೆರ್. ಅಕುಲು ಮಾತೆರ್ಲಾ ಮೆರೆನ್ ಮೋಕೆಡ್ ಡಾಕ್ಟರ್ಜೀ ಪನ್ದೇ ಲೆತ್ತೊಂದಿತ್ತೆರ್.
ಡಿವೈನ್ ಪಾರ್ಕ್ದ ಸಹಸಂಸ್ಥೆ ಆದ್ ಎಸ್ಎಚ್ಆರ್ಎಫ್ (ಯೋಗಬನ) ಉಂಡು ಮಲ್ತಿನ ಮೇರ್, ಯೋಗ, ಪ್ರಕೃತಿ, ಆಯುರ್ವೇದೊದ ಒಟ್ಟುಗು ಆಧ್ಯಾತ್ಮಿಕ ಚಿಕಿತ್ಸಕ ಕ್ರಮೊನ್ಲಾ ದುಂಬು ಕನತಿತ್ತೆರ್
ಮೇರ್ ಮಗೆ ಡಾ. ವಿವೇಕ ಉಡುಪ ಬೊಕ್ಕ ಮರ್ಮಲ್, ಬೊಡೆದಿ, ಮಗಲೆನ್ ಅಗತ್ದೆರ್. ಇನಿ ಕಾಂಡೆ 10.30 ರ್ದ್ ಬಯ್ಯ 4 ಮುಟ್ಟ ಉಡುಪೆರೆನ ಡಿವೈನ್ ಪಾರ್ಕ್ ಜ್ಞಾನ ಮಂದಿರೊಡು ಅಂತಿಮ ದರ್ಶನೊಗು ಅವಕಾಶ ಮಲ್ತ್ಕೊರ್ದಿತ್ತ್ದ್, ಬೊಕ್ಕ ಅಕೇರಿದ ವಿಧಿ ವಿಧಾನ ನಡಪುಂಡು ಪನ್ದ್ ಡಿವೈನ್ ಪಾರ್ಕ್ ಪ್ರಕಟನೆಡ್ ತೆರಿಪಾದ್ಂಡ್.