Last updated on January 8th, 2026 at 09:18 am
ಬೆಂಗಳೂರು, ಜ. 8: ಬೆಂಗಳೂರ್ಡ್ ಕುಡ್ಲ ಮೂಲೊದ ಟೆಕ್ಕಿ ಒರಿ 16ನೇ ಮಾಲಿಗೆರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದೆರ್. 26 ವರ್ಸ ಪ್ರಾಯೊದ ನಿಕ್ಷೇಪ್ ಬಂಗೇರ ಜೂವ ಗೆತ್ತೊಂದಿನಾರ್. ಬಾಗಲಗುಂಟೆದ ಅಪಾರ್ಟ್ಮೆಂಟ್ಡ್ ಇತ್ತಿನ ನಿಕ್ಷೇಪ್ ಅಲ್ಪನೇ ತನ್ನ ಜೂವ ದೆತ್ತೊಂದೆರ್. ವರ್ಕ್ ಫ್ರಂ ಹೋಮ್ಡ್ ಇತ್ತಿನ ನಿಕ್ಷೇಪ್ ಫ್ಲಾಟ್ರ್ದೇ ಬೇಲೆ ಮಲ್ತೊಂದಿತ್ತೆರ್.
ಅಪಾರ್ಟ್ಮೆಂಟ್ದ 20ನೇ ಮಾಲಿಗೆಡ್ ಇತ್ತೆರ್ ಪಪ್ದ್ ಪೊಲೀಸೆರ್ ತೆರಿಪಾದೆರ್. ಕಾಂಡೆ 16ನೇ ಮಾಲಿಗೆಗ್ ಬತ್ತ್ದ್ ಅಲ್ಪರ್ದ್ ತಿರ್ತ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದೆರ್. ಕುಡ್ಲ ಮೂಲೊದ ನಿಕ್ಷೇಪ್ ಮಾನಸಿಕ ಖಿನ್ನತೆಡ್ ನರೆಲೊಂದಿತ್ತೆರ್ ಪನ್ದ್ ಪನೊಂದಿತ್ತ್ದ್, ಬಾಗಲಗುಂಟೆ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಕೆಲ ಮೂಲೊಲೆ ಪ್ರಕಾರ, ನಿಕ್ಷೇಪ್ ವಿದೇಶೊಡು ಇಂಜಿನಿಯರಿಂಗ್ ಕಲ್ತ್ದ್ ಬೆಂಗಳೂರ್ಡ್ ಬೇಲೆ ಮಲ್ತೊಂದಿತ್ತೆರ್ಗೆ. ಬೆಂಗಳೂರ್ಗ್ ಬತ್ತಿನೆರ್ದಿಂಚಿ ಬಾಗಲಗುಂಟೆದ ಪ್ರಿನ್ಸ್ ಅಪಾರ್ಟ್ಮೆಂಟ್ಡ್ ಒಕ್ಕೆಲ್ ಇತ್ತೆರ್. ಅನಾರೋಗ್ಯರ್ದಾವರ ಆರ್ ಮಾನಸಿಕ ಖಿನ್ನತೆಗ್ ಜಾರ್ದಿತ್ತೆರ್ ಪನ್ದ್ ಪನೊಂದುಲ್ಲೆರ್.