ಕಾಸ್ರೋಡ್ : ಬೇಕರಿಡ್ ಸೂ ಬೂರ್ದ್ ಲಕ್ಷಗಟ್ಲೆ ನಷ್ಟ

Last updated on January 19th, 2026 at 03:17 pm

ಕಾಸ್ರೋಡ್, ಜ. 19 : ಪೇಂಟೆದ ಪರ ಬಸ್ ಉಂತಡೆದ ಕೈತಲ್ದ ಲೂಮ್ಸ್ ಬೇಕರಿಡ್ ಐತಾರ ರಾತ್ರೆ ಸೂ ಪತೊಂದು ಲಕ್ಷಗಟ್ಲೆ ರೂಪಾಯಿ ಮೌಲ್ಯೊದ ನಷ್ಟ ಆತ್ಂಡ್.

ರಾತ್ರೆ ಸುಮಾರ್ 11 ಗಂಟೆದ ಅಂದಾಜಿಗ್ ಬೇಕರಿಡ್ ಇತ್ತಿನ ಕೂಲ್ ಬಾರ್‌ರ್ದವರ ಸೂ ಪತೊಂದುಂಡುಗೆ. ಸೂ ತೂದು ಮುಟ್ಟದಕುಲು ಪಕ್ಕ ಕಾಸ್ರೋಡ್ ಅಗ್ನಿಶಾಮಕ ದಳೊಕು ಒಲವು ಕೊರ್ತೆರ್. ಸೂಚನೆ ತಿಕ್ಕಿನೇ ಜಾಗೆಗ್ ಬತ್ತಿನ ಅಗ್ನಿಶಾಮಕ ಸಿಬ್ಬಂದಿ ರಪಕ್ಕ ಕಾರ್ಯಾಚರಣೆ ಮಲ್ತ್‌ದ್ ಸೂನ್ ಅಂಕೆಗ್ ಕನತ್‌ದ್ ಎಚ್ಚಿಗೆ ಅನಾಹುತೊನು ತಪ್ಪಾದೆರ್.

ಸೂ ಬೂರ್ದಿನೆರ್ದಾವರ ಬೇಕರಿದ ಉಲಯಿದ ಸೊತ್ತುಲು ಅಲಕ್ಕ ಪೊತ್ತುದು ಪೋತುಂಡು. ನಡಕೆದ ಬಗೆಟ್ ಎಚ್ಚಿಗೆ ಜಡ್ತೆ ನಡತೊಂದುಂಡು ಪನ್ದ್ ತೆರಿದ್ ಬೈದ್ಂಡ್.